ഭരണഘടന വിരുദ്ധ പ്രസ്താവന: സജി ചെറിയാനെതിരെ രാജ്യദ്രോഹക്കേസെടുത്തു ജയിലിലടക്കണം : എസ്ഡിപിഐ
സജി ചെറിയാന്റെ നിയമസഭാമംഗത്വം റദ്ദാക്കണമെന്നും എസ്ഡിപിഐ ജില്ലാ പ്രസിഡന്റ് വികെ ഷൗക്കത്ത് അലി ആവശ്യപ്പെട്ടു
ആലുവ : ഭരണഘടന വിരുദ്ധ പ്രസ്താവന നടത്തിയ മന്ത്രി സജി ചെറിയാനെതിരെ രാജ്യദ്രോഹക്കേസെടുത്ത് ജയിലില്‍ അടക്കണമെന്നും കേവലം രാജിക്കപ്പുറം അദ്ദേഹത്തിന്റെ നിയമസഭാമംഗത്വം റദ്ദാക്കണമെന്നും എസ്ഡിപിഐ ജില്ലാ പ്രസിഡന്റ് വികെ ഷൗക്കത്ത് അലി ആവശ്യപ്പെട്ടു.
ആലുവയില്‍ നടന്ന പ്രതിഷേധ പ്രകടനം ഉദ്ഘാടനം ചെയ്യുകയായിരുന്നു അദ്ദേഹം.ജില്ലാ ജനറല്‍ സെക്രട്ടറി അജ്മല്‍ കെ മുജീബ്,ഷമീര്‍ മാഞ്ഞാലി,ലത്തീഫ് കെ എം,ബാബു വേങ്ങൂര്‍, കെ എ മുഹമ്മദ് ഷമീര്‍, ശിഹാബ് പടന്നാട്ട്,നാസര്‍ എളമന, സുധീര്‍ എലൂക്കര, ആലുവ മണ്ഡലം പ്രസിഡന്റ് നൗഷാദ് തുരുത് എന്നിവര്‍ നേതൃത്വം നല്‍കി.