കോഴിക്കോട്: കരിപ്പൂരിൽ ദുബായിൽ നിന്നും വന്ന യാത്രക്കാരിൽ നിന്നും 873 ഗ്രാം സ്വർണം പിടികൂടി. കോഴിക്കോട് ഓമശ്ശേരി സ്വദേശി ഇബ്രാഹിം ശരീഫ് കൈയ്യിൽ നിന്നും ആണ് സ്വർണം പിടികൂടിയത്. പൊതുവിപണിയിൽ 38.86 ലക്ഷം രൂപ വിലവരുന്ന സ്വർണമാണ് പിടികൂടിയത്. ക്യാപ്സ്യൂൾ രൂപത്തിൽ കൊണ്ടുവന്ന സ്വർണം ആണ് അദ്ദേഹത്തിൻറെ കയ്യിൽ നിന്നും പിടികൂടിയത്. ഡെപ്യൂട്ടി കമ്മീഷണർ ടി എ കിരൺ നേതൃത്വത്തിലുള്ള സംഘം നടത്തിയ പരിശോധനയിലാണ് സ്വർണം കണ്ടെടുത്തത്.