ഗവര്‍ണര്‍ കേന്ദ്ര ഏജന്റായി സംസ്ഥാന സര്‍ക്കാരിനെ അട്ടിമറിക്കാന്‍ ശ്രമിക്കുന്നു: കാനം രാജേന്ദ്രന്‍
തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാനെതിരേ ആഞ്ഞടിച്ച് സിപിഐ സംസ്ഥാന സെക്രട്ടറി കാനം രാജേന്ദ്രന്‍. കേന്ദ്രത്തിന്റെ ഏജന്റായി ഗവര്‍ണര്‍ സംസ്ഥാന സര്‍ക്കാരിനെ അട്ടിമറിക്കാന്‍ ശ്രമിക്കുകയാണെന്ന് കാനം പറഞ്ഞു. ഉന്നതവിദ്യാഭ്യാസ മേഖലയെയും തകര്‍ക്കാന്‍ നീക്കം നടക്കുകയാണ്. വിസിമാരെ നിയമിച്ചത് ചാന്‍സലറായ ഗവര്‍ണറാണ്. ഏതോ വിധിയുടെ അടിസ്ഥാനത്തില്‍ 11 വൈസ്ചാന്‍സലര്‍മാരെയും നീക്കാന്‍ പറയുന്നതെന്തിനാണെന്നും കാനം ചോദിച്ചു. ഗവര്‍ണറെ ചാന്‍സലര്‍ പദവിയില്‍നിന്നും മാറ്റാനുള്ള തീരുമാനം ജനങ്ങള്‍ അംഗീകരിക്കുന്നതായും അദ്ദേഹം കൂട്ടിച്ചേര്‍ത്തു.