പച്ചക്കറി വാനില്‍ ഒളിപ്പിച്ചുകടത്തിയ 4500 പാക്കറ്റ് ഹാന്‍സ് പിടികൂടി
ബാവലി എക്‌സൈസ് ചെക്ക് പോസ്റ്റില്‍ വാഹന പരിശേധനക്കിടയിലാണ് പിടികൂടിയത്. വൈകീട്ട് അഞ്ചു മണിയോടെയാണ് സംഭവം.
മാനന്തവാടി: കര്‍ണാടക എച്ച്ഡി കോട്ടയില്‍നിന്ന് തലശ്ശേരിയിലേക്ക് പച്ചക്കറി കൊണ്ടു പോകുന്ന പിക്കപ്പ് വാനില്‍ ഒളിപ്പിച്ചു കടത്താന്‍ ശ്രമിച്ച 4500 പാക്കറ്റ് ഹാന്‍സ് പിടികൂടി. ബാവലി എക്‌സൈസ് ചെക്ക് പോസ്റ്റില്‍ വാഹന പരിശേധനക്കിടയിലാണ് പിടികൂടിയത്. വൈകീട്ട് അഞ്ചു മണിയോടെയാണ് സംഭവം. എച്ച്ഡി കോട്ട സ്വദേശിയും വാഹനത്തിന്റെ ഡ്രൈവറുമായ ചീക്കണ്ണ (45)നെ കസ്റ്റഡിയിലെടുത്തു. പരിശോധനയ്ക്ക് എക്‌സൈസ് പ്രിവന്റീവ് ഓഫിസര്‍ സജീവന്‍ തരിപ്പ, സിവില്‍ എക്‌സൈസ് ഓഫിസര്‍ പി വിജേഷ്‌കുമാര്‍, കെ എസ് സനൂപ്, വി സുരേഷ് എന്നിവര്‍ നേതൃത്വം നല്‍കി. വാഹനവും പ്രതിയെയും തിരുനെല്ലി പോലിസിന് കൈമാറി.