ലാന്റിംഗിന് അനുവാദം ലഭിച്ചില്ല;ജിദ്ദ - കാലിക്കറ്റ് സ്‌പൈസ് ജെറ്റ് വിമാനം റദ്ദാക്കി
മുംബൈ: സൗദി അറേബ്യയില്‍ ലാന്റ് ചെയ്യുന്നതിന് അനുവാദം ലഭിക്കാത്തതിനെ തുടര്‍ന്ന് ഇന്നത്തെ സ്‌പൈസ് ജെറ്റ് വിമാനം റദ്ദാക്കി. മുംബൈയില്‍ നിന്ന് ജിദ്ദയിലെത്തി ഉച്ചയ്ക്ക് കോഴിക്കോട്ടേക്ക് തിരികെ പോകുന്ന വിമാനമാണ് റദ്ദാക്കിയത്.
കൊവിഡ് പ്രതിസന്ധി രൂക്ഷമായത് മുതല്‍ സൗദി അറേബ്യയിലെ പ്രവാസികള്‍ ധാരാളമായി ആശ്രയിക്കുന്നതാണ് സ്‌പൈസ്‌ജെറ്റ് വിമാനം. ചാര്‍ട്ടേഡ് വിമാനമായതിനാല്‍ ട്രാവല്‍ ഏജന്‍സികള്‍ മുഖനേയാണ് ബുക്കിംഗ്. മിക്ക ദിവസവും നിറയെ യാത്രക്കാര്‍ ഉണ്ടാകാറുണ്ട്. വിമാനം റദ്ദാക്കിയത് ഒട്ടേറെപ്പേരെ പ്രയാസത്തിലാക്കി.