കെ സുധാകരനും വി ഡി സതീശനും കാന്തപുരം അബൂക്കര്‍ മുസ്‌ലിയാരെ സന്ദര്‍ശിച്ചു
കോഴിക്കോട്: കെപിസിസി പ്രസിഡന്റും പാര്‍ലമെന്റ് അംഗവുമായ കെ സുധാകരനും പ്രതിപക്ഷ നേതാവ് വി ഡി സതീശനും കാന്തപുരം മര്‍കസില്‍ എത്തി എ പി അബൂക്കര്‍ മുസ്‌ലിയാരുമായി കൂടിക്കാഴ്ച നടത്തി . സാമുദായിക സൗഹാര്‍ദ്ദം കാത്തുസൂക്ഷിക്കുന്നതിന് മത സാമൂഹിക രാഷ്ട്രീയ രംഗത്തെ നേതൃത്വങ്ങള്‍ മുന്നോട്ട് വരണമെന്നും വര്‍ഗ്ഗീയതക്കും സാമൂഹിക ധ്രുവീകരണത്തിനുമെതിരെ ഒറ്റക്കെട്ടായി പ്രവര്‍ത്തിക്കണമെന്നും ഇരുവരും പറഞ്ഞു. മുസ്‌ലിം മത നേതാക്കളുടെ പക്വവും സാമൂഹിക പ്രതിബദ്ധത വ്യക്തമാക്കുന്നതുമായ നിലപാടുകളെ അഭിനന്ദിക്കുന്നതായും കെ സുധാകരനും പ്രതിപക്ഷ നേതാവ് വി ഡി സതീശനും പറഞ്ഞു.