മാള: ചാലക്കുടി പുഴയിലേക്കെടുത്ത് ചാടിയ യുവാവിന്റെ മൃതദേഹം ഫയര്‍ഫോഴ്‌സ് കരക്കെത്തിച്ചു. മാള കോട്ടവാതില്‍ സ്വദേശി 32 വയസുള്ള മച്ചിങ്ങല്‍ വീട്ടില്‍ സനില്‍കുമാറിന്റെ മൃതദേഹമാണ് കരക്കെത്തിച്ചത്. ഞര്‍ളക്കടവ് പാലത്തിന് മുകളില്‍ നിന്നും ചൊവ്വാഴ്ച രാത്രി 10.30 ഓടെയാണ് യുവാവ് പുഴയിലേക്കെടുത്ത് ചാടിയത്. തുടര്‍ന്ന് ചാലക്കുടി ഫയര്‍ഫോഴ്‌സെത്തി തെരച്ചില്‍ നടത്തിയെങ്കിലും കണ്ടെത്താനായില്ല. വീണ്ടും ബുധനാഴ്ച രാവിലെ നടത്തിയ തെരച്ചിലിലാണ് മൃതദേഹം കണ്ടെത്തിയത്. തുടര്‍ന്ന് ഡിങ്കിയില്‍ കരക്കെത്തിക്കുകയായിരുന്നു. ഫയര്‍ഫോഴ്‌സ് സ്‌റ്റേഷന്‍ ഓഫീസര്‍ സി ഒ ജോയിയുടെ നേതൃത്വത്തിലായിരുന്നു തെരച്ചില്‍ നടത്തിയത്.