ചെന്നെ ഇന്ന് തോറ്റാലും അവര്‍ക്ക് പ്ലേഓഫിലേക്ക് കടക്കാനുള്ള സാധ്യതകള്‍ ഉണ്ട്. അത് ആര്‍ സി ബി ജയിക്കുന്ന മാര്‍ജിന്‍ പോലെ ഇരിക്കും. ബെംഗളൂരുവില്‍ ശനിയാഴ്ചത്തെ മത്സരം മഴ മൂലം ഉപേക്ഷിച്ചാലും സിഎസ്‌കെ നാലാം സ്ഥാനത്തെത്തുമെന്ന് ഉറപ്പാകും. നാളെ സി എസ് കെ ജയിക്കുകയും സണ്‍റൈസേഴ്‌സ്, രാജസ്ഥാന് റോയല്‍സ് എന്നിവര്‍ അവരുടെ അവസാന ഗെയിമുകള്‍ തോല്‍ക്കുകയും ചെയ്താല്‍ ചെന്നൈക്ക് രണ്ടാം സ്ഥാനത്ത് ഫിനിഷ് ചെയ്യാനും ആകും.
സിഎസ്‌കെയ്ക്കെതിരെ ജയിച്ചാല്‍ മാത്രമേ ആര്‍സിബിക്ക് യോഗ്യത നേടാനാകൂ. അതും നല്ല മാര്‍ജിനില്‍ ജയിക്കണം. 200 റണ്‍സ് ചെയ്‌സ് ചെയ്യുക ആണെങ്കില്‍ 18.1 ഓവറോ അതില്‍ കുറവോ സമയം കൊണ്ട് ആര്‍ സി ബി വിജയം നേടേണ്ടതുണ്ട്. ആദ്യം ബാറ്റു ചെയ്ത് 200 റണ്‍സോ അല്ലെങ്കില്‍ അതില്‍ കൂടുതലോ എന്ന ലക്ഷ്യം ഡിഫന്‍ഡ് ചെയ്യുക ആണെങ്കില്‍ 18 റണ്‍സില്‍ കൂടുതല്‍ മാര്‍ജിനില്‍ ചെന്നൈയെ ആര്‍ സി ബി തോല്‍പ്പിക്കേണ്ടതുമുണ്ട്. ഇങ്ങനെ ഈ മാര്‍ജിനുകളില്‍ ജയിക്കാന്‍ ആയാല്‍ 14 പോയിന്റുമായി നാലാമത് ഫിനിഷ് ചെയ്യാന്‍ ആര്‍ സി ബിക്ക് ആകും. ചെന്നൈക്കാള്‍ മികച്ച നെറ്റ് റണ്‍ റേറ്റും അവര്‍ക്ക് ഉണ്ടാകും.ശനിയാഴ്ച ബെംഗളൂരുവില്‍ മഴ പെയ്താല്‍ ഇരുടീമും പോയിന്റ് പങ്കിടും. ഇങ്ങനെ വന്നാല്‍ ആര്‍സിബി പുറത്താകും.