പരപ്പനങ്ങാടി: ഭക്ഷ്യവിഷബാധയെന്ന സംശയത്തെത്തുടര്‍ന്ന് നാല് വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചു. 10ാം ക്ലാസ് വിദ്യാര്‍ഥികളുടെ യാത്രയയപ്പ് പരിപാടിയില്‍ വിതരണം ചെയ്ത ഭക്ഷണത്തില്‍ നിന്ന് വിഷബാധയേറ്റതിനെ തുടര്‍ന്നാണെന്ന സംശയത്തിലാണ് വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചത്.
ടൗണിലെ ഒരു ബേക്കറിയില്‍ നിന്ന് കൊണ്ടുവന്ന ഭക്ഷണസാധനങ്ങളില്‍ നിന്നാണ് വിഷബാധയേറ്റതെന്നാണ് പ്രാഥമിക നിഗമനം. മൂന്ന് വിദ്യാര്‍ഥിനികളും ഒരു വിദ്യാര്‍ഥിയുമാണ് പരപ്പനങ്ങാടിയിലെ ഒരു സ്വകാര്യാശുപത്രിയില്‍ ചികില്‍സയില്‍ കഴിയുന്നത്. ആരുടേയും നില ഗുരുതരമല്ല. അപകടനില തരണം ചെയ്തിട്ടുണ്ട്.