ദമ്മാം: പി.സി.എഫ് ജുബൈല്‍ മേഖല കമ്മിറ്റി നിലവില്‍ വന്നു. റഫീഖ് പാനൂരിന്റെ അധ്യക്ഷതയില്‍ ചേര്‍ന്ന ഓണ്‍ലൈന്‍ മീറ്റിങ്ങില്‍ പി.ഡി.പി ചെയര്‍മാന്‍ അബ്ദുല്‍ നാസര്‍ മഅ്ദനിയാണ് ഭാരവാഹികളെ പ്രഖ്യാപിച്ചത്. പരിപാടി പിസിഎഫ് സൗദി ഓര്‍ഗനൈസിംഗ് കമ്മിറ്റി കണ്‍വീനര്‍ ദിലീപ് താമരക്കുളം ഉദ്ഘാടനം ചെയ്തു. ആസന്നമായ തദ്ദേശസ്വയംഭരണ തെരഞ്ഞെടുപ്പില്‍ മത്സരിക്കുന്ന പി.ഡി.പി സ്ഥാനാര്‍ഥികളുടെ വിജയത്തിനുവേണ്ടി പ്രവര്‍ത്തിക്കുവാന്‍ യോഗം തീരുമാനിച്ചു. യോഗത്തില്‍ ഷാജഹാന്‍ കൊട്ടുകാട്, ഷിഹാബ് തിരൂരങ്ങാടി, കബീര്‍ ചവറ, അബ്ദുല്‍ സമദ് ശൂരനാട്, ഷിഹാബ് മൈനാഗപ്പള്ളി, അനീഷ് ചവറ, സിദ്ദീഖ് പത്തടി, ഷെഫീക് കൊട്ടുകാട് സംസാരിച്ചു.
പ്രസിഡന്റ് സിദ്ദീഖ് പത്തടി, സെക്രട്ടറി അനീഷ് ചവറ, ട്രഷറര്‍ അബ്ദുല്‍ സമദ് ശൂരനാട്, വൈസ് പ്രസിഡന്റ്മാര്‍ അബ്ദുല്‍ കബീര്‍ ചവറ, അബ്ദുല്‍ ഖാദര്‍ ലര്‍സന്‍, ജോയിന്റ്: സെക്രട്ടറിമാര്‍ ഷിഹാബ് മൈനാഗപ്പള്ളി, ഷിഹാബ് തിരൂരങ്ങാടി, (മീഡിയ സെക്രട്ടറി ഷെഫീഖ് കൊട്ടുകാട്, എക്‌സിക്യൂട്ടീവ് കമ്മറ്റി അംഗങ്ങളായി മുര്‍ഷിദ് കാസര്‍ഗോഡ്, നസീര്‍ റാവുത്തര്‍, ദമ്മാം സെട്രല്‍ കമ്മിറ്റിയിലേക്ക് ഷാജഹാന്‍ കൊട്ടുകാട്, സൗദി നാഷണല്‍ കമ്മിറ്റിയിലേക്ക് റഫീഖ് പാനൂര്‍ എന്നീ 12 അംഗ കമ്മറ്റിയെയും തെരഞ്ഞെടുത്തു.