ദ​ക്ഷി​ണാ​ഫ്രി​ക്ക​യി​ല്‍ അ​ര്‍​നോ​ള്‍​ഡ് ഷ്വാ​സ്‌​ന​ഗ​റെ ചവിട്ടി വീഴ്ത്താൻ ശ്രമം (വീഡിയോ)

ജൊ​ഹാ​നാ​സ്ബ​ര്‍​ഗ്: മുൻ മിസ്റ്റർ യുനിവേഴ്സും പ്രമുഖ ഹോളിവുഡ് നടനുമായ അർനോൾഡ് ഷ്വാസ്ന​ഗർക്കു നേരെ ആക്രമണം. ദക്ഷിണാഫ്രിക്കയിൽ സ്പോർട്ട്സ് ഫെസ്റ്റിവലിന് എത്തിയതായിരുന്നു മുൻ കാലഫോർണിയ ​ഗവർണർ കൂടിയായ അർനോൾഡ്. പരിപാടിയിൽ ആരാധകരുമായി സംവാദത്തിലും ചിത്രമെടുപ്പിലും ഏർപ്പെട്ടിരിക്കുന്ന അർനോൾഡിനെ പിറകിൽ നിന്നും വന്ന യുവാവ് ചവിട്ടി വീഴ്ത്തുകയായിരുന്നു.

അ​പ്ര​തീ​ക്ഷി​ത​മാ​യി പി​ന്‍​ഭാ​ഗ​ത്ത് തൊ​ഴി​കൊ​ണ്ട ഷ്വാ​സ്‌​ന​ഗ​ര്‍ മു​ന്നോ​ട്ട് ആ​ഞ്ഞു. അ​ക്ര​മി ത​റ​യി​ല്‍ വീ​ണു. ഉ​ട​ന്‍ ത​ന്നെ സു​ര​ക്ഷാ ഉ​ദ്യോ​ഗ​സ്ഥ​ര്‍ അ​ക്ര​മി​യെ കീ​ഴ്പ്പെ​ടു​ത്തി. സം​ഭ​വ​സ്ഥ​ല​ത്തു​നി​ന്നും ഇ​യാ​ളെ മാ​റ്റു​ക​യും ചെ​യ്തു. പി​ന്നീ​ട് അ​ക്ര​മി​യെ പോ​ലീ​സി​നു കൈ​മാ​റി. ഇ​തി​ന്‍റെ വീ​ഡി​യോ സ​മൂ​ഹ​മാ​ധ്യ​മ​ങ്ങ​ളി​ല്‍ വൈ​റ​ലാ​യി​രി​ക്കു​ക​യാ​ണ്.സം​ഭ​വ​ത്തി​ല്‍ ത​നി​ക്ക് പ​രി​ക്കേ​റ്റി​ട്ടി​ല്ലെ​ന്നു സൂ​ചി​പ്പി​ച്ച്‌ ഷ്വാ​സ്‌​ന​ഗ​ര്‍ പിന്നീട് ട്വീ​റ്റ് ചെ​യ്തു. ത​ന്നെ​ക്കു​റി​ച്ചു​ള്ള ഉ​ത്‌​ക​ണ്‌​ഠ​യ്ക്കു ആ​രാ​ധ​ക​രോ​ട് അ​ദ്ദേ​ഹം ന​ന്ദി​പ​റ​യു​ക​യും ചെ​യ്തു. ആ​ളു​ക​ളു​ടെ തി​ക്കി​ത്തി​ര​ക്കി​ല്‍ പെ​ട്ടു​പോ​യ​താ​ണെ​ന്നാ​ണ് ആ​ദ്യം ക​രു​തി​യ​ത്. പി​ന്നീ​ട് ഇ​തി​ന്‍റെ വീ​ഡി​യോ ക​ണ്ട​പ്പോ​ഴാ​ണ് ത​നി​ക്ക് മ​ര്‍​ദ​നം ഏ​റ്റ​താ​യി മ​ന​സി​ലാ​യ​ത്. ത​ന്‍റെ സം​വാ​ദ പ​രി​പാ​ടി അ​ല​ങ്കോ​ല​മാ​കാ​തി​രു​ന്ന​തി​ല്‍ സ​ന്തോ​ഷ​മു​ണ്ടെ​ന്നും ഷ്വാ​സ്‌​ന​ഗ​ര്‍ ട്വീ​റ്റി​ല്‍ പ​റ​ഞ്ഞു. 71കാരനായ അർനോൾഡ് ഹൃദയചികിൽസ കഴിഞ്ഞ് വിശ്രമത്തിലായിരുന്നു. Full View