കടയടച്ച് വീട്ടിലേക്ക് മടങ്ങവെ വ്യാപാരിയുടെ പണമടങ്ങിയ ബാഗ് ഓട്ടോയില്‍ വെച്ച് നഷ്ട്ടപെട്ടു
1,60,000 രൂപയും രണ്ട് മൊബൈല്‍ ഫോണും കടയുടെ ചാവിയുമടങ്ങിയ ബാഗാണ് നഷ്ടപ്പെട്ടത്. കടയടച്ച് വീട്ടിലേക്ക് പോകാന്‍ ഓട്ടം വിളിച്ച ഓട്ടോയിലാണ് ബാഗ് മറന്നുവച്ചത്
താനൂര്‍: കടയടച്ച് വീട്ടിലേക്ക് മടങ്ങവെ വ്യാപാരിയുടെ പണമടങ്ങിയ ബാഗ് ഓട്ടോയില്‍ വെച്ച് നഷ്ട്ടപെട്ടു. താനൂര്‍ ജംഗ്ഷന്‍ ബീച്ച് റോഡിലെ പലചരക്ക് മൊത്തവ്യാപാര കേന്ദ്രമായ നാഷണല്‍ ട്രേഡേഴ്‌സ് ഉടമ പി എം മുഹമ്മദ് കുട്ടിയുടെ ബാഗാണ് കഴിഞ്ഞ ദിവസം നഷ്ടപ്പെട്ടത്. 1,60,000 രൂപയും രണ്ട് മൊബൈല്‍ ഫോണും കടയുടെ ചാവിയുമടങ്ങിയ ബാഗാണ് നഷ്ടപ്പെട്ടത്. കടയടച്ച് കടയുടെ മുന്നില്‍ നിന്ന് വീട്ടിലേക്ക് പോകാന്‍ ഓട്ടം വിളിച്ച നഗരത്തിലെ ഓട്ടോയിലാണ് ബാഗ് മറന്നുവച്ചത്. സാധനങ്ങളടങ്ങിയ മറ്റൊരു സഞ്ചിയും ഓട്ടോയില്‍ വെച്ചിരുന്നു.ഇത് മാത്രമെടുത്ത് പണമടങ്ങിയ ബാഗ് മറന്നു വയ്ക്കുകയായിരുന്നു. താനൂര്‍ പോലിസില്‍ പരാതി നല്‍കി.