മലപ്പുറം: വിമന്‍ ഇന്ത്യ മൂവ്‌മെന്റ് (WIM) മലപ്പുറം ജില്ലാ ഭാരവാഹികളെ തിരഞ്ഞെടുത്തു. മലപ്പുറം ബാങ്ക് ഓഡിറ്റോറിയത്തില്‍ നടന്ന ജില്ലാ ജനറല്‍ കൗണ്‍സില്‍ സംസ്ഥാന വൈസ് പ്രസിഡന്റ് മേരി എബ്രഹാം അട്ടപ്പാടി ഉദ്ഘാടനം ചെയ്തു. ജില്ലാ പ്രസിഡന്റ് സല്‍മ സ്വാലിഹ് അധ്യക്ഷത വഹിച്ചു.
പുതിയ ഭാരവാഹികളായി സല്‍മ സ്വാലിഹ് (പ്രസിഡന്റ്), ഫര്‍ഹാന സുഹൈല്‍, ഷാഹിദ എടപ്പാള്‍ (വൈസ് പ്രസിഡന്റുമാര്‍) ജസീല മുംതാസ് (ജനറല്‍ സെക്രട്ടറി), ജിഷ പുഴക്കാട്ടിരി, ജാസ്മിന്‍ കോട്ടയ്ക്കല്‍ (സെക്രട്ടറിമാര്‍), മുംതാസ് ഏറനാട് (ട്രഷറര്‍), ഡോ. ഫാത്തിമ എടപ്പാള്‍, സാജിത ടീച്ചര്‍ വളാഞ്ചേരി, സൈഫുന്നിസ എടരിക്കോട്, റീന കൃഷ്ണന്‍, ആരിഫ ടീച്ചര്‍, ഷബ്‌ന കിടങ്ങഴി (കമ്മിറ്റി അംഗങ്ങള്‍) എന്നിവരെ തിരഞ്ഞെടുത്തു.
വിവിധ സെഷനുകളിലായി വിമന്‍ ഇന്ത്യ മൂവ്‌മെന്റ് സംസ്ഥാന ഭാരവാഹികളായ മഞ്ജുഷ മാവിലാടം, ലസിത ടീച്ചര്‍, എസ്ഡിപിഐ ജില്ലാ ജനറല്‍ സെക്രട്ടറി അഡ്വ. സാദിഖ് നടുത്തൊടി എന്നിവര്‍ സംസാരിച്ചു. ജില്ലാ ജനറല്‍ സെക്രട്ടറി റഹ്‌യാനത്ത് കോട്ടയ്ക്കല്‍ റിപോര്‍ട്ട് അവതരിപ്പിച്ചു.