മുഖ്യമന്ത്രി പങ്കെടുക്കുന്ന ചടങ്ങിലേക്ക് അതിക്രമിച്ച് കയറാന്‍ യുവാവിന്റെ ശ്രമം
തിരുവനന്തപുരം: മുഖ്യമന്ത്രി പങ്കെടുക്കുന്ന പരിപാടിയുടെ വേദിയിലേക്ക് അതിക്രമിച്ച് കയറാന്‍ യുവാവിന്റെ ശ്രമം. സംസ്ഥാന സര്‍ക്കാരിന്റെ നൂറുദിന കര്‍മപരിപാടിയുടെ ഭാഗമായി 53 സ്‌കൂളുകള്‍ മികവിന്റെ കേന്ദ്രങ്ങളാക്കുന്ന വിദ്യാകിരണം മിഷന്‍ പദ്ധതിയുടെ സംസ്ഥാനതല ഉദ്ഘാടനം നടക്കുന്ന തിരുവനന്തപുരം പൂവച്ചല്‍ സ്‌കൂളിലെ വേദിയിലേക്കാണ് ഇയാള്‍ അതിക്രമിച്ച് കയറാന്‍ ശ്രമിച്ചത്. ഇയാളെ ഉടന്‍ പോലിസ് ഇടപെട്ട് നീക്കി. മുഖ്യമന്ത്രിയും മറ്റ് മന്ത്രിമാരും വേദിയിലുണ്ടായിരുന്നു. തനിക്ക് ചില കാര്യങ്ങള്‍ പറയണമെന്ന് ആക്രോശിച്ചായിരുന്നു ഇയാള്‍ വേദിക്ക് അരികിലേക്ക് എത്തിയത്.
അതേസമയം, പരിപാടി തടസ്സമില്ലാതെ നടന്നു.