കടവരാന്തയില്‍ ഉറങ്ങിക്കിടക്കവേ സുഹൃത്ത് തീ കൊളുത്തിയ ആള്‍ മരിച്ചു
ഷൗക്കത്തിനെ കൊലപ്പെടുത്താന്‍ ശ്രമിച്ച തമിഴ്‌നാട് സ്വദേശി മണിയെ പോലിസ് അറസ്റ്റ് ചെയ്തിരുന്നു.
കോഴിക്കോട്: കോഴിക്കോട് റെയില്‍വേ സ്‌റ്റേഷന് സമീപം കടവരാന്തയില്‍ ഉറങ്ങിക്കിടക്കവേ മദ്യലഹരിയില്‍ സുഹൃത്ത് തീ കൊളുത്തിയ ആള്‍ മരിച്ചു.പൊള്ളലേറ്റ് മെഡിക്കല്‍ കോളജ് ആശുപത്രിയില്‍ അത്യാസന്ന നിലയില്‍ ചികിത്സയിലായിരുന്ന കൊടുവള്ളി സ്വദേശി ഷൗക്കത്ത്(48) ആണ് മരിച്ചത്.
കഴിഞ്ഞ മാസം 17 നായിരുന്നു സംഭവം. ഷൗക്കത്തിനെ കൊലപ്പെടുത്താന്‍ ശ്രമിച്ച തമിഴ്‌നാട് സ്വദേശി മണിയെ പോലിസ് അറസ്റ്റ് ചെയ്തിരുന്നു. ഇയാള്‍ക്കെതിരെ കൊലക്കുറ്റം ചുമത്തി റിമാന്‍ഡ് ചെയ്തിരിക്കുകയാണ്.അതേസമയം ഷൗക്കത്തിന്റെ മൃതദേഹം ബന്ധുക്കളാരും ഏറ്റെടുക്കാന്‍ തയാറായിട്ടില്ലെന്ന് പോലിസ് അറിയിച്ചു.