മുംബൈ: വിമാന യാത്രക്കാരന് നല്‍കിയ ഭക്ഷണത്തില്‍ പാറ്റയെ കണ്ടെത്തിയ സംഭവത്തില്‍ എയര്‍ ഇന്ത്യ അധികൃതര്‍ മാപ്പ് പറഞ്ഞു. ഭോപ്പാലില്‍ നിന്നും മുംബൈയിലേക്ക് പറന്ന യാത്രക്കാരന് നല്‍കിയ ഭക്ഷണത്തിലാണ് പാറ്റയെ കണ്ടെത്തിയത്. റോഹിത് രാജ് സിംങ് ചൗഹാന്‍ എന്ന യാത്രക്കാരന് ഇഡ്ഡ്‌ലിക്ക് നല്‍കിയ സാമ്പാറിന്റെ കൂടെയാണ് പാറ്റയെ കണ്ടെത്തിയത്. ഉടനെ തന്നെ വിമാന ജീവനക്കാരെ അറിയിച്ചെങ്കില്‍ അവര്‍ അവഗണിക്കുകയായിരുന്നു. പിന്നീട് സാമൂഹിക മാധ്യമത്തിലൂടെ 'പാറ്റ' വൈറലായതിനെ തുടര്‍ന്നാണ് എയര്‍ ഇന്ത്യ അധികൃതര്‍ മാപ്പ് പറഞ്ഞത്. വിമാനത്തില്‍ ഭക്ഷണം വിതരണം ചെയ്യുന്ന കാറ്ററിങ്് സ്ഥാപനത്തിന് ഇക്കാര്യത്തെ കുറിച്ച് ശക്തമായ മുന്നറിയിപ്പ് നല്‍കിയിട്ടുണ്ടെന്നും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ കര്‍ശന നടപടി സ്വീകരിക്കുമെന്നും എയര്‍ ഇന്ത്യ അധികൃതര്‍ വ്യക്തമാക്കി.