ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ ജീവിതകഥ പറയുന്ന ചിത്രമായ പിഎം നരേന്ദ്രമോദി അടുത്ത മാസം 19നു മുമ്പു റിലീസ് ചെയ്യരുതെന്നു തിരഞ്ഞെടുപ്പ് കമ്മീഷന്‍. തിരഞ്ഞെടുപ്പ് സുതാര്യമായി നടക്കാന്‍ വേണ്ടിയാണ് ഈ നിര്‍ദേശമെന്നും കമ്മീഷന്‍ വ്യക്തമാക്കി. അതേസമയം ചിത്രത്തിന്റെ റിലീസ് അനുവദിക്കണമെന്ന് ആവശ്യപ്പെട്ട് നിര്‍മാതാക്കള്‍ നല്‍കിയ ഹര്‍ജി ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ച് നാളെ പരിഗണിക്കും. ഏപ്രില്‍ 17ന് കോടതി നിര്‍ദേശപ്രകാരം കമ്മിഷന്‍ അംഗങ്ങള്‍ക്കായി ചിത്രത്തിന്റെ പ്രത്യേക സ്‌ക്രീനിങ് നടത്തിയിരുന്നു. ചിത്രം കണ്ട് 22നകം റിപ്പോര്‍ട്ട് നല്‍കണമെന്ന് കോടതി കമ്മിഷനോട് ആവശ്യപ്പെട്ടിരുന്നു.