ന്യൂഡല്‍ഹി: ഐസിഐസിഐ മുന്‍ മേധാവി ചന്ദ കോച്ചാറിന്റെയും വീഡിയോകോണ്‍ പ്രമോട്ടര്‍ വേണുഗോപാല്‍ ദൂതിന്റെയും വീടുകളില്‍ എന്‍ഫോഴ്‌സ്മന്റെ് ഡയറക്ടറേറ്റ് (ഇഡി) പരിശോധന. ഐസിഐസിഐ വായ്പ തട്ടിപ്പു കേസുമായി ബന്ധപ്പെട്ട അന്വേഷണങ്ങളുടെ ഭാഗമായാണ് പരിശോധന. ചന്ദ കോച്ചാര്‍, ഭര്‍ത്താവ് ദീപക് കോച്ചാര്‍, വേണുഗോപാല്‍ ദൂത് എന്നിവര്‍ക്കെതിരേ നേരത്തെ സിബിഐ ലുക്ക ഔട്ട് നോട്ടീസ് പുറപ്പെടുവിച്ചിരുന്നു. ഐസിഐസിഐ മേധാവിയായിരിക്കെ ചന്ദകോച്ചാര്‍ അനധികൃതമായി വായ്പ അനുവദിച്ചുവെന്നാണ് കേസ്.