ജോധ്പൂര്‍: പ്രശസ്ത രാജസ്ഥാനി നാടോടി നര്‍ത്തകന്‍ ക്വീന്‍ ഹാരിഷ് എന്ന ഹാരിഷ് കുമാര്‍ വാഹനാപകടത്തില്‍ മരിച്ചു. ജെയ്‌സാല്‍മീറില്‍ നിന്നും അജ്മീറിലേക്കുള്ള യാത്രക്കിടെ ഞായറാഴ്ച രാവിലെ രാജസ്ഥാനിലെ ജോധ്പൂരിനടുത്തുള്ള കപര്‍ദ ഗ്രാമത്തിലെ ഹൈവേയിലായിരുന്നു അപകടം.
ഹാരിഷിനെ കൂടാതെ മറ്റ് മൂന്ന് കലാകാരന്മാരും അപകടത്തില്‍ മരിച്ചു. ഹരീഷ്, രവീന്ദ്ര, ബിഖെ ഖാന്‍, ലത്തീഫ് ഖാന്‍ എന്നിവരാണ് മരിച്ചതെന്ന് പോലിസ് അറിയിച്ചു. അഞ്ചുപേര്‍ക്ക് പരിക്കേറ്റിട്ടുണ്ട്.
കലാകാരന്‍മാര്‍ സഞ്ചരിച്ചിരുന്ന എസ്‌യുവി എതിരേ വന്ന ട്രക്കുമായി കൂട്ടിയിടിക്കുകയായിരുന്നു. ഖൂമെര്‍, കല്‍ബേലിയ, ചാങ്, ഭവേലി, ചാരി എന്നീ നാടോടി നൃത്ത ഇനങ്ങളില്‍ പ്രശസ്തനാണ് ക്വീന്‍ ഹാരിഷ്.