മഹാരാഷ്ട്രയില്‍ പോലിസുകാര്‍ക്കിടയില്‍ കൊവിഡ് വ്യാപനം; ചികില്‍സയിലുള്ളത് 1,333 പേര്‍
മുംബൈ: മഹാരാഷ്ട്രയില്‍ പോലിസുകാര്‍ക്കിടയില്‍ കൊവിഡ് വ്യാപനം രൂക്ഷമാവുന്നു. ഞായറാഴ്ച 63 പോലിസുകാര്‍ക്കാണ് കൊവിഡ് സ്ഥിരീകരിച്ചത്. ഒരു പോലിസ് ഉദ്യോഗസ്ഥന്‍ മരിക്കുകയും ചെയ്തു. സംസ്ഥാനത്ത് ഇതുവരെ 127 പോലിസുകാരാണ് കൊവിഡ് ബാധിച്ച് മരിച്ചത്.
നിലവില്‍ 1,333 പോലിസുകാര്‍ കൊവിഡ് ബാധിച്ച് ചികില്‍സയില്‍ കഴിയുന്നുണ്ട്. മഹാരാഷ്ട്രയില്‍ 41,327 പേര്‍ക്കാണ് കഴിഞ്ഞ 24 മണിക്കൂറിനിടെ കൊവിഡ് സ്ഥിരീകരിച്ചത്. 29 പേര്‍ മരിക്കുകയും ചെയ്തു. 2,65,346 പേര്‍ ചികില്‍സയില്‍ കഴിയുന്നു. എട്ട് പേര്‍ക്ക് ഞായറാഴ്ച ഒമിക്രോണും സ്ഥിരീകരിച്ചു. ഇതോടെ മഹാരാഷ്ട്രയില്‍ ഒമിക്രോണ്‍ സ്ഥിരീകരിച്ചവരുടെ എണ്ണം 1,738 ആയി ഉയര്‍ന്നു.