ആമിര്‍ഖാനും നസ്‌റുദ്ദീന്‍ ഷായും രാജ്യദ്രോഹികളെന്നു ആര്‍എസ്എസ് നേതാവ്
ആമിര്‍ഖാനും നസ്‌റുദ്ദീന്‍ഷായും മികച്ച നടന്‍മാരാവാം. എന്നാല്‍ രാജ്യ ദ്രോഹികളായതിനാല്‍ അവര്‍ ബഹുമാനമര്‍ഹിക്കുന്നില്ല. അജ്മല്‍ കസബിന്റെ പാത പിന്തുടരുന്നവര്‍ രാജ്യദ്രോഹികള്‍ തന്നെയാണ്- ഇന്ദ്രേഷ് കുമാര്‍ പറഞ്ഞു.
അലിഗഢ്: ബോളിവുഡ് നടന്‍മാരായ നസ്‌റുദ്ദീന്‍ഷാ, ആമിര്‍ഖാന്‍, കോണ്‍ഗ്രസ് നേതാവും മുന്‍ ക്രിക്കറ്റ് താരവുമായ നവ്‌ജോത് സിങ് സിദ്ധു എന്നിവര്‍ രാജ്യദ്രോഹികളാണെന്നു ആര്‍എസ്എസ് നേതാവ് ഇന്ദ്രേഷ് കുമാര്‍. അലിഗഡില്‍ സംഘടിപ്പിച്ച പൊതുപരിപാടിയില്‍ സംസാരിക്കുകയായിരുന്നു ഇന്ദ്രേഷ് കുമാര്‍. ആമിര്‍ഖാനും നസ്‌റുദ്ദീന്‍ഷായും മികച്ച നടന്‍മാരാവാം. എന്നാല്‍ രാജ്യ ദ്രോഹികളായതിനാല്‍ അവര്‍ ബഹുമാനമര്‍ഹിക്കുന്നില്ല. അജ്മല്‍ കസബിന്റെ പാത പിന്തുടരുന്നവര്‍ രാജ്യദ്രോഹികള്‍ തന്നെയാണ്. എപിജെ അബ്ദുല്‍ കലാമിന്റെ പാത പിന്തുടരുന്ന മുസ്ലിംകളെയാണ് രാജ്യത്തിന് ആവശ്യം- ഇന്ദ്രേഷ് കുമാര്‍ പറഞ്ഞു.