ബിക്കനീര്‍: രാജ്യാന്തര അതിര്‍ത്തിയില്‍ രാജസ്ഥാനിലെ ബിക്കാനീറിന് സമീപം ഇന്ത്യന്‍ സുരക്ഷാ സേന, പാകിസ്താന്റെ ഡ്രോണ്‍ വെടിവെച്ചിട്ടു. ഇന്ന് രാവിലെ 11.30 ഓടെയായിരുന്നു സംഭവം. ബിക്കാനീറിന് സമീപം ഇന്ത്യന്‍ വ്യോമമേഖലയില്‍ അതിക്രമിച്ച് കയറിയ ഡ്രോണ്‍ സുരക്ഷാ സേന വെടിവെച്ചിടുകയായിരുന്നു. ഇന്ത്യന്‍ വ്യോമസേനയുടെ സുഖോയ് ജെറ്റുകളാണ് ഡ്രോണിന് നേരെ വെടിയുതിര്‍ത്തത്. ഡ്രോണിന്റെ അവശിഷ്ടങ്ങള്‍ പാകിസ്താന്റെ ഫോര്‍ട്ട് അബ്ബാസിന് സമീപമാണ് പതിച്ചതെന്ന് ടൈംസ് നൗ റിപോര്‍ട്ടു ചെയ്തു. ബിഎസ്എഫ് ഇക്കാര്യം സ്ഥിരീകരിച്ചിട്ടുണ്ട്.