പ്രതിപക്ഷ റാലി മുസ്‌ലിം താല്‍പര്യങ്ങളെ അവതരിപ്പിക്കുന്നതില്‍ പരാജയപ്പെട്ടുവെന്നു അഅ്‌സം ഖാന്‍
എസ്പി അധ്യക്ഷന്‍ അഖിലേഷ് യാദവടക്കമുള്ളവര്‍ പങ്കെടുത്ത റാലിക്കെതിരേയാണ് അഅ്‌സംഖാന്‍ വിമര്‍ശനമുന്നയിച്ചത്.
ഫിറോസാബാദ്: തൃണമൂല്‍ കോണ്‍ഗ്രസിന്റെ നേതൃത്ത്വത്തില്‍ കൊല്‍ക്കത്തയില്‍ സംഘടിപ്പിച്ച പ്രതിപക്ഷ റാലി, മുസ്ലിംകളുടെ താല്‍പര്യങ്ങള്‍ അവതരിപ്പിക്കുന്നതില്‍ പരാജയപ്പെട്ടുവെന്നു എസ്പി നേതാവ് അഅ്‌സംഖാന്‍. എസ്പി അധ്യക്ഷന്‍ അഖിലേഷ് യാദവടക്കമുള്ളവര്‍ പങ്കെടുത്ത റാലിക്കെതിരേയാണ് അഅ്‌സംഖാന്‍ വിമര്‍ശനമുന്നയിച്ചത്.
മുസ് ലിംകളുടെ താല്‍പര്യങ്ങള്‍ മനസ്സിലാക്കുന്നതിലും അവതരിപ്പിക്കുന്നതിലും റാലി പരാജയപ്പെട്ടു. കശ്മീര്‍, അസം എന്നിവിടങ്ങളില്‍ നിന്നുള്ള രണ്ടു മുസ്‌ലിം നേതാക്കള്‍ മാത്രമാണ് പരിപാടിയില്‍ സംബന്ധിച്ചത്- ഖാന്‍ പറഞ്ഞു.