വാട്‌സാപ്പിലുടെ ശല്യം ചെയ്ത യുവാവിനെ യുവതിയും സംഘവും തട്ടിക്കൊണ്ടുപോയി
ആശാരിയായ സായ്കുമാറിനെയാണ് ടെക്കി സംഘം പാഠം പടിപ്പിച്ചത്. ആളൊഴിഞ്ഞ സ്ഥലത്തേക്കു യുവാവിനെ വിളിച്ചു വരുത്തുകയും സുഹൃത്തുക്കളുടെ സഹായത്താല്‍ തട്ടിക്കൊണ്ടുപോവുകയുമായിരുന്നു.
ഹൈദരാബാദ്: വാട്‌സാപ്പിലൂടെയുള്ള ശല്ല്യം സഹിക്കവയ്യാതായതോടെ ടെക്കി യുവതിയും സംഘവും യുവാവിനെ തട്ടിക്കൊണ്ടു പോയി. ആശാരിയായ സായ്കുമാറിനെയാണ് ടെക്കി സംഘം പാഠം പടിപ്പിച്ചത്. കൂട്ടുകാരി നിര്‍മിക്കുന്ന വീടു കാണാനെത്തിയപ്പോഴാണ് ആശാരിയായ സായ്കുമാര്‍ യുവതിയുടെ ഫോണ്‍നമ്പര്‍ സ്വന്തമാക്കിയത്. ശേഷം വാട്‌സാപ്പിലൂടെ നിരന്തരം ശല്ല്യം ചെയ്യുകയായിരുന്നു. ഇതോടെയാണ് യുവാവിനെ തട്ടിക്കൊണ്ടുപോയി താക്കീതുനല്‍കാന്‍ യുവതി തീരുമാനിച്ചത്. ഇതിനായി ആളൊഴിഞ്ഞ സ്ഥലത്തേക്കു യുവാവിനെ വിളിച്ചു വരുത്തുകയും സുഹൃത്തുക്കളുടെ സഹായത്താല്‍ തട്ടിക്കൊണ്ടുപോവുകയുമായിരുന്നു. യുവതികളുടെ സംഘം ചേര്‍ന്നുള്ള മര്‍ദനത്തില്‍ കാര്യമായി പരിക്കേറ്റ യുവാവ് ആശുപത്രിയില്‍ ചികില്‍സ തേടി. സംഭവത്തില്‍ തട്ടിക്കൊണ്ടു പോവല്‍, വധശ്രമം തുടങ്ങിയ വകുപ്പുകള്‍ ചുമത്തി കേസെടുത്തതായി പോലിസ് പറഞ്ഞു