എറണാകുളം ജില്ലയില്‍ ബാര്‍ബര്‍ ഷോപ്പുകള്‍ക്ക് പ്രവര്‍ത്തനാനുമതി നല്‍കി
തിങ്കള്‍, ബുധന്‍, വെള്ളി ദിവസങ്ങളില്‍ കൊവിഡ് മാനദണ്ഡങ്ങള്‍ ഉറപ്പാക്കിയാവണം ഷോപ്പുകളുടെ പ്രവര്‍ത്തനം
കൊച്ചി: എറണാകുളം ജില്ലയിലെ ബാര്‍ബര്‍ ഷോപ്പുകള്‍ക്ക് ജില്ലാ ദുരന്തനിവാരണ അതോറിറ്റി യോഗം പ്രവര്‍ത്തനാനുമതി നല്‍കി. തിങ്കള്‍, ബുധന്‍, വെള്ളി ദിവസങ്ങളില്‍ കൊവിഡ് മാനദണ്ഡങ്ങള്‍ ഉറപ്പാക്കിയാവണം ഷോപ്പുകളുടെ പ്രവര്‍ത്തനം.കൊച്ചി നഗരത്തിലെ കോളനികള്‍ കേന്ദ്രീകരിച്ചുള്ള കൊവിഡ് വാക്‌സിനേഷന്‍ പ്രവര്‍ത്തനങ്ങള്‍ക്ക് അടുത്ത തിങ്കളാഴ്ച തുടക്കമാകും.
കോളനികളിലെ 60 വയസ്സിനു മുകളില്‍ പ്രായമുള്ള എല്ലാവര്‍ക്കും വാക്‌സിനേഷന്‍ ഉറപ്പാക്കും. വാക്‌സിനേഷന്‍ നടപടികള്‍ക്ക് തടസ്സം നേരിടുന്ന ദുര്‍ബലവിഭാഗങ്ങള്‍ക്കായി പ്രത്യേക വാക്‌സിനേഷന്‍ പദ്ധതി തയ്യാറാക്കാന്‍ ജില്ലാ കലക്ടര്‍ എസ് സുഹാസ് ആരോഗ്യ വിഭാഗത്തിന് നിര്‍ദ്ദേശം നല്‍കി.മഴക്കാല പ്രവര്‍ത്തനങ്ങള്‍ക്കായി മേജര്‍ ഇറിഗേഷന്‍ വകുപ്പിന് ദുരന്തനിവാരണ അതോറിറ്റി യോഗത്തില്‍ അഞ്ച് ലക്ഷം രൂപ അനുവദിച്ചു.