പുരാവസ്തു തട്ടിപ്പ്: മോന്‍സണ്‍ മാവുങ്കലിനെതിരെ ഇ ഡി അന്വേഷണം തുടങ്ങി
ക്രൈംബ്രാഞ്ച് എടുത്ത കേസുകളുടെ വിവരങ്ങള്‍ ആവശ്യപ്പെട്ട് ഇ ഡി അന്വേഷണ സംഘത്തിന് കത്തു നല്‍കിയതായാണ് വിവരം
കൊച്ചി: പുരാവസ്തുവിന്റെ പേരില്‍ വന്‍ സാമ്പത്തിക തട്ടിപ്പ് നടത്തിയ മോന്‍സണ്‍ മാവുങ്കലിനെതിരെ എന്‍ഫോഴ്‌സമെന്റ് ഡയറക്ടറേറ്റും അന്വേഷണം തുടങ്ങി. ക്രൈംബ്രാഞ്ച് എടുത്ത കേസുകളുടെ വിവരങ്ങള്‍ ആവശ്യപ്പെട്ട് ഇ ഡി അന്വേഷണ സംഘത്തിന് കത്തു നല്‍കിയതായാണ് വിവരം.
മോന്‍സണ്‍ മാവുങ്കല്‍ അടക്കം ക്രൈംബ്രാഞ്ച് രജിസ്റ്റര്‍ ചെയ്ത തട്ടിപ്പ് കേസിലെ മൂന്നു പ്രതികള്‍ക്കെതിരെയാണ് ഇ ഡി അന്വേഷണം ആരംഭിച്ചിരിക്കുന്നത്.പുരാവസ്തുക്കളുടെ മറവില്‍ നടത്തിയ കള്ളപ്പണ ഇടപാടുകളെക്കുറിച്ചാണ് ഇ ഡി അന്വേഷിക്കുന്നത്.ഒരു രേഖയുമില്ലാതെ പലരും മോന്‍സന്റ പുരാവസ്തു ഇടപാടുകള്‍ക്ക് പണം നിക്ഷേപിച്ചതായി അന്വേഷണ സംഘത്തിന് വിവരം ലഭിച്ചതായാണ് സൂചന.
ഇവരെയെല്ലാവരെയും ഇ ഡി വിളിച്ചു വരുത്തി മൊഴിയെടുക്കുമെന്നും സൂചനയുണ്ട്.നിലവില്‍ മോന്‍ സണ്‍ മാവുങ്കല്‍ ജയിലിലാണ്. ഇയാളെ ചോദ്യം ചെയ്യാനുള്ള നടപടികളും ഇ ഡി തുടങ്ങിയിട്ടുണ്ട്.