എക്‌സൈസ് ഓണം സ്‌പെഷ്യല്‍ ഡ്രൈവ്;എറണാകുളത്ത് 168 പേര്‍ അറസ്റ്റില്‍
360 ലിറ്റര്‍ സ്പിരിറ്റും, 96 ലിറ്റര്‍ ചാരായവും, 11 ലിറ്റര്‍ വാഷും, 221 ലിറ്റര്‍ മദ്യവും, 44 ലിറ്റര്‍ ബിയറും, 11 ലിറ്റര്‍ കള്ളും, 15 കിലോഗ്രാം കഞ്ചാവും, 2 കഞ്ചാവ് ചെടികളും, 19 ഗ്രാം എംഡിഎംഎയും, 57 ഗ്രാം ഹെറോയിനും, 74 കിലോഗ്രാം പുകയില ഉല്‍പ്പന്നങ്ങളും പിടിച്ചെടുത്തു
കൊച്ചി: ഓണാഘോഷത്തോടനുബന്ധിച്ച് എക്‌സൈസ് വകുപ്പിന്റെ എന്‍ഫോഴ്‌സ്‌മെന്റ് പ്രവര്‍ത്തനങ്ങളുടെ ഭാഗമായി ആരംഭിച്ച സ്‌പെഷ്യല്‍ െ്രെഡവില്‍ എറണാകുളത്ത് 168 പേര്‍ അറസ്റ്റില്‍. മദ്യം, മയക്കുമരുന്ന് എന്നിവയുമായി ബന്ധപ്പെട്ട കുറ്റകൃത്യങ്ങള്‍ നിരീക്ഷിക്കുന്നതിനായി ആഗസ്റ്റ് 5 മുതല്‍ സെപ്റ്റംബര്‍ 12 വരെയാണ് സ്‌പെഷ്യല്‍ ഡ്രൈവ്. സ്‌പെഷ്യല്‍ ഡ്രൈവില്‍ ഇതുവരെ 73 അബ്കാരി കേസുകള്‍, 60 എന്‍ഡിപിഎസ് കേസുകള്‍, 416 കോപ്ട കേസുകള്‍ എന്നിവയിലായി 168 പേരെ അറസ്റ്റ് ചെയ്തുവെന്ന് അധികൃതര്‍ അറിയിച്ചു. ഈ കേസുകളിലായി 360 ലിറ്റര്‍ സ്പിരിറ്റും, 96 ലിറ്റര്‍ ചാരായവും, 11 ലിറ്റര്‍ വാഷും, 221 ലിറ്റര്‍ മദ്യവും, 44 ലിറ്റര്‍ ബിയറും, 11 ലിറ്റര്‍ കള്ളും, 15 കിലോഗ്രാം കഞ്ചാവും, 2 കഞ്ചാവ് ചെടികളും, 19 ഗ്രാം എംഡിഎംഎയും, 57 ഗ്രാം ഹെറോയിനും, 74 കിലോഗ്രാം പുകയില ഉല്‍പ്പന്നങ്ങളും പിടിച്ചെടുത്തു.
സ്‌പെഷ്യല്‍ ഡ്രൈവിനോടനുബന്ധിച്ച് 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമും കച്ചേരിപ്പടി എക്‌സൈസ് ഡിവിഷന്‍ ഓഫീസ് കേന്ദ്രീകരിച്ച് പ്രവര്‍ത്തിക്കുന്നു. കൂടാതെ ജില്ലയെ രണ്ട് യൂനിറ്റുകളായി തിരിച്ച് 24 മണിക്കൂറും പ്രവര്‍ത്തിക്കുന്ന സ്‌ട്രൈക്കിംഗ് ഫോഴ്‌സും പ്രവര്‍ത്തിക്കുന്നു. കൂടാതെ താലൂക്ക് അടിസ്ഥാനത്തില്‍ ഓരോ കണ്‍ട്രോള്‍ റൂമും പ്രവര്‍ത്തിക്കുന്നുണ്ട്. മദ്യ മയക്കുമരുന്ന് കുറ്റകൃത്യങ്ങളെ കുറിച്ച് ജില്ല കണ്‍ട്രോള്‍ റൂമുമായും താലൂക്ക് കണ്‍ട്രോള്‍ റൂമുമായും ബന്ധപ്പെടാമെന്ന് അധികൃതര്‍ അറിയിച്ചു.
ജില്ല കണ്‍ട്രോള്‍ റൂം: 04842390657, 9447178059, 9496002867.
എക്‌സൈസ് സര്‍ക്കിള്‍ ഓഫീസ്, എറണാകുളം: 04842393121, 9400069552.
എക്‌സൈസ് സര്‍ക്കിള്‍ ഓഫീസ്, കൊച്ചി: 04842235120, 9400069554.
എക്‌സൈസ് സര്‍ക്കിള്‍ ഓഫീസ്, നോര്‍ത്ത് പറവൂര്‍: 04842443187, 9400069557.
എക്‌സൈസ് സര്‍ക്കിള്‍ ഓഫീസ്, ആലുവ: 04842623655, 9400069560.
എക്‌സൈസ് സര്‍ക്കിള്‍ ഓഫീസ്, കുന്നത്തുനാട്: 04842591203, 9400069559.
എക്‌സൈസ് സര്‍ക്കിള്‍ ഓഫീസ്, കോതമംഗലം: 04842824419, 9400069562.
എക്‌സൈസ് സര്‍ക്കിള്‍ ഓഫീസ്, മൂവാറ്റുപുഴ: 04852832623, 9400069564 എന്നിവയാണ് നമ്പറുകള്‍