ഒരു ലക്ഷം രൂപയുടെ ജാതിപത്രിയും ജാതിക്ക കുരുവും മോഷ്ടിച്ച രണ്ടു പേര്‍ പിടിയില്‍
കാലടി കൈപ്പട്ടൂര്‍ സ്വദേശി ജിതിന്‍ (22), ആര്യപ്പാറ സ്വദേശി വിനീഷ് (21) എന്നിവരെയാണ് കാലടി പോലിസ് പിടികൂടിയത്
കൊച്ചി: ഗോഡൗണില്‍ നിന്നും ഒരു ലക്ഷം രൂപയുടെ ജാതിപത്രിയും, ജാതിക്കകുരുവും മോഷ്ടിച്ച യുവാക്കള്‍ പോലിസ് പിടിയില്‍. കാലടി കൈപ്പട്ടൂര്‍ സ്വദേശി ജിതിന്‍ (22), ആര്യപ്പാറ സ്വദേശി വിനീഷ് (21) എന്നിവരെയാണ് കാലടി പോലിസ് പിടികൂടിയത്. രണ്ടു മാസമായി കാഞ്ഞൂര്‍ ചെങ്ങല്‍ പരുത്തിച്ചോട് ഭാഗത്തുള്ള ഗോഡൗണില്‍ നിന്നുമാണ് ഇവര്‍ വിവിധ ദിവസങ്ങളിലായി മോഷണം നടത്തിയത്.
ഏകദേശം ഒരു ലക്ഷം രൂപ വിലവരുന്ന ഉല്‍പ്പന്നങ്ങളാണ് ഇവര്‍ ഇവടെനിന്നും മോഷ്ടിച്ചതെന്നും കൂടുതല്‍ പേര്‍ ഇതിലുള്‍പ്പെട്ടിട്ടുണ്ടോയെന്ന് അന്വേഷണം നടത്തിവരികയാണെന്നും പോലിസ് പറഞ്ഞു.അന്വേഷണ സംഘത്തില്‍ ഇന്‍സ്‌പെക്ടര്‍ ബി സന്തോഷ്, എസ്‌ഐമാരായ എസ് ശിവപ്രസാദ്, കെ തീഷ് കുമാര്‍, എഎസ്‌ഐ മാരായ മനോജ്, ജോഷി തോമസ്, സിപിഒ രഞ്ജിത്ത് രാജന്‍ എന്നിവരാണ് ഉണ്ടായിരുന്നത്.