പിതൃസഹോദരനെ കൊലപ്പെടുത്തിയ കേസില്‍ പ്രതി പിടിയില്‍
പിതൃസഹോദരനായ രാജപ്പനെ കൊലപ്പെടുത്തിയ കേസില്‍ കരുമാലൂര്‍ തവരക്കാട് വീട്ടില്‍ അരുണ്‍ (21)നെയാണ് പോലിസ് അറസ്റ്റ് ചെയ്ത്
കൊച്ചി: പിതൃസഹോദരനെ തലയ്ക്കടിച്ച് കൊലപ്പെടുത്തിയ കേസില്‍ യുവാവ് പിടിയില്‍. കരുമാലൂര്‍ തവരക്കാട് വീട്ടില്‍ അരുണ്‍ (21)നെയാണ് പോലിസ് അറസ്റ്റ് ചെയ്ത്. ഈ മാസം മൂന്നിനായിരുന്നു സംഭവം. രാവിലെ മദ്യപിച്ചെത്തിയ പിതൃസഹോദരനായ രാജപ്പന്‍ അരുണിനെ ഉപദ്രവിച്ചു.ഇതേ തുടര്‍ന്ന് അരുണ്‍ അംഗ്ലേയറിന്റെ കഷണം കൊണ്ട് രാജപ്പനെ തലക്കടിച്ചു വീഴ്ത്തി. ഇതിനു ശേഷം നെഞ്ചിലും വയറ്റിലും ചവിട്ടി പരിക്കേല്‍പ്പിച്ചു. അവശനായ രാജപ്പനെ വൈകിട്ട് പ്രതി തന്നെ ആശുപതിയിലെത്തിച്ചെങ്കിലും കോട്ടയം മെഡിക്കല്‍ കോളജില്‍ വച്ച് ചികില്‍സയില്‍ ഇരിക്കെ ഈ മാസം അഞ്ചിന് രാജപ്പന്‍ മരിച്ചു. അറസ്റ്റിലായ പ്രതിയെ കോടതിയില്‍ ഹാജരാക്കി റിമാന്റ് ചെയ്തു.