വീട്ടമ്മയെ ഭീഷണിപ്പെടുത്തി പണവും സ്വര്‍ണ്ണവും മൊബൈല്‍ ഫോണും കവര്‍ന്നയാള്‍ പിടിയില്‍
മുളന്തുരുത്തി പെരുമ്പിള്ളി സ്വദേശി രഞ്ജിത്ത് രാജന്‍ (37) നെയാണ് മുളന്തുരുത്തി പോലിസ് അറസ്റ്റ് ചെയ്തത്
കൊച്ചി: വീട്ടമ്മയെ ഭീഷണിപ്പെടുത്തി പണവും സ്വര്‍ണ്ണവും മൊബൈല്‍ ഫോണും കവര്‍ന്നയാള്‍ പിടിയില്‍. മുളന്തുരുത്തി പെരുമ്പിള്ളി സ്വദേശി രഞ്ജിത്ത് രാജന്‍ (37) നെയാണ് മുളന്തുരുത്തി പോലിസ് അറസ്റ്റ് ചെയ്തത്.
താല്‍കാലിക ജീവനക്കാരിയായിരുന്ന വീട്ടമ്മയെ ജോലി സ്ഥിരപ്പെടുത്തിക്കൊടുക്കാമെന്ന് വാഗ്ദാനം ചെയ്ത് മാനഹാനിപ്പെടുത്തി ബലമായി ഫോട്ടോകള്‍ എടുക്കുകയും അത് മറ്റുള്ളവരെ കാണിക്കുമെന്ന് ഭീഷണിപ്പെടുത്തി കഴിഞ്ഞ നാലു വര്‍ഷത്തോളമായി ഇയാള്‍ പണം വാങ്ങുകയുമായിരുന്നുവെന്ന് പോലിസ് പറഞ്ഞു. ഇതിന്റെ പേരില്‍ ഇയാള്‍ വീട്ടമ്മയുടെ സ്വര്‍ണ്ണവും മൊബൈല്‍ ഫോണും കൈക്കലാക്കി. തുടര്‍ന്ന് വീട്ടമ്മ മുളന്തുരുത്തി പോലിസ് സ്‌റ്റേഷനില്‍ പരാതി നല്‍കുകയായിരുന്നു.
സബ് ഇന്‍സ്‌പെക്ടര്‍ മാരായ എസ് എന്‍ സുമതി, ടി കെ കൃഷ്ണകുമാര്‍, എ എസ് ഐ കെ എം സന്തോഷ്‌കുമാര്‍, എസ് സി പി ഒ മാരായ അനില്‍കുമാര്‍, മിഥുന്‍ തമ്പി എന്നിവരാണ് അന്വേഷണ സംഘത്തില്‍ ഉള്ളത്‌