11 ലിറ്റര്‍ വിദേശമദ്യവും കഞ്ചാവുമായി ഒഡീഷ സ്വദേശി പിടിയില്‍
ഒഡീഷ,കടസാഹി സ്വദേശി രഞ്ചന്‍ കുമാര്‍ മുദുലി(28)യെയാണ് കാക്കനാട് ഇടച്ചിറ ഭാഗത്ത് നിന്നും കൊച്ചി സിറ്റി ഡാന്‍സാഫും ഇന്‍ഫോ പാര്‍ക്ക് പോലിസും ചേര്‍ന്ന് പിടികൂടിയത്
കൊച്ചി: 11 ലിറ്റര്‍ ഇന്ത്യ നിര്‍മ്മിത വിദേശ മദ്യവും കഞ്ചാവുമായി ഒഡീഷ സ്വദേശി പോലിസ് പിടിയില്‍.ഒഡീഷ,കടസാഹി സ്വദശി രഞ്ചന്‍ കുമാര്‍ മുദുലി(28)യെയാണ് കാക്കനാട് ഇടച്ചിറ ഭാഗത്ത് നിന്നും കൊച്ചി സിറ്റി ഡാന്‍സാഫും ഇന്‍ഫോ പാര്‍ക്ക് പോലിസും ചേര്‍ന്ന് പിടികൂടിയത്.കാക്കനാടുള്ള കമ്പനിയിലെ ജോലിക്കാരായ ഇയാളില്‍ നിന്നും മദ്യത്തിനൊപ്പം 110 ഗ്രാം കഞ്ചാവും ഇത് കടത്താനുപയോഗിച്ച ബൈക്കും പിടിച്ചെടുത്തതായി പോലിസ് പറഞ്ഞു.
ഡ്രൈഡേ ദിവസങ്ങളില്‍ ബിവറേജ് ഔട്ട് ലെറ്റില്‍ നിന്നും മദ്യം വാങ്ങി വില്‍പ്പന നടത്തിവന്നിരുന്ന പ്രതി കഞ്ചാവ് നാട്ടില്‍ നിന്നും കൊണ്ടുവന്ന് ഇന്‍ഫോ പാര്‍ക്ക് പരിസരത്ത് വില്‍പ്പന നടത്തിവരികയായിരുന്നുവെന്നും പോലിസ് പറഞ്ഞു.
മയക്കു മരുന്നു മാഫിയയെക്കുറിച്ചുള്ള വിവരങ്ങള്‍ 9995966666 എന്ന വാട്‌സ് ആപ്പ് ഫോര്‍മാറ്റിസെ യോദ്ധാവ് ആപ്പിലേക്ക് വീഡിയോ,ഓഡിയോ ആയോ നാര്‍ക്കോട്ടിക് സെല്‍ പോലിസ് അസിസ്റ്റന്റ് കമ്മീഷണറുടെ 9497990065 എന്ന നമ്പരിലേക്കോ 9497980430 എന്ന ഡാന്‍സാഫ് നമ്പരിലേക്കോ അറിയിക്കണമെന്നും ഇത്തരത്തില്‍ വിവരം കൈമാറുന്നവരുടെ പേരുവിവരങ്ങള്‍ രഹസ്യമായി സൂക്ഷിക്കുമെന്നും കൊച്ചി സിറ്റി പോലിസ് കമ്മീഷണര്‍ പറഞ്ഞു.