ആലപ്പുഴ: ജെഎസ്എസ് രാജന്‍ ബാബു വിഭാഗം എന്‍ഡിഎ വിട്ടു. ഇതുസംബന്ധിച്ച കത്ത് ബിജെപി സംസ്ഥാന അധ്യക്ഷന്‍ ശ്രീധരന്‍പിള്ളയ്ക്ക് കൈമാറിയെന്ന് രാജന്‍ ബാബു പറഞ്ഞു. എന്‍ഡിഎയിലെ ഘടകക്ഷികളെല്ലാം അസംതൃപ്തരാണ്. ഈ സാഹചര്യത്തില്‍ എന്‍ഡിഎയുമായി മുന്നോട്ട് പോവാനാകില്ലെന്നും രാജന്‍ബാബു വാര്‍ത്താസമ്മേളനത്തില്‍ പറഞ്ഞു.
നേരത്തെ എന്‍ഡിഎയുമായി അകന്ന രാജന്‍ബാബു വിഭാഗം മുന്നണി പ്രവേശനത്തിനായി താല്‍പര്യം അറിയിച്ച് യുഡിഎഫ് നേതൃത്വത്തെ സമീപിച്ചിരുന്നു. സി കെ ജാനു എന്‍ഡിഎ വിട്ടതിന് പിന്നാലെയാണ് രാജന്‍ബാബു വിഭാഗവും മുന്നണി വിടുന്നത്.