കൊവിഡ് ചികില്‍സയിലിരിക്കെ കെ സി വേണുഗോപാല്‍ എംപിയുടെ മാതാവ് അന്തരിച്ചു
കടുത്ത ശ്വാസതടസ്സമുള്ളതിനാല്‍ വെന്റിലേറ്ററിന്റെ സഹായത്തോടെയായിരുന്നു ജീവന്‍ നിലനിര്‍ത്തിയിരുന്നത്.
കണ്ണൂര്‍: കൊവിഡ് ചികില്‍സയിലായിരുന്ന എഐസിസി ജനറല്‍ സെക്രട്ടറി കെ സി വേണുഗോപാല്‍ എംപിയുടെ മാതാവ് കെ സി ജാനകിയമ്മ (80) മരിച്ചു. കഴിഞ്ഞ മൂന്നാഴ്ചയായി കണ്ണൂര്‍ മിംസ് ആശുപത്രിയില്‍ ചികില്‍സയിലായിരുന്നു. കടുത്ത ശ്വാസതടസ്സമുള്ളതിനാല്‍ വെന്റിലേറ്ററിന്റെ സഹായത്തോടെയായിരുന്നു ജീവന്‍ നിലനിര്‍ത്തിയിരുന്നത്.
മൃതദേഹം കൊവിഡ് പ്രോട്ടോക്കോള്‍ അനുസരിച്ച് പിലാത്തറയിലെ കുടുംബ ശ്മശാനത്തില്‍ സംസ്‌കരിക്കും. ഭര്‍ത്താവ്: പരേതനായ വേലോത്ത് കുഞ്ഞികൃഷ്ണന്‍ നമ്പി. മറ്റ് മക്കള്‍: കെ സി ലളിത, കെ സി ഉഷ, പരേതരായ കെ സി ഗോപാലകൃഷ്ണന്‍, കെ സി ശശിധരന്‍.