പാനൂരിനടുത്ത് ക്വാറിയില്‍ വന്‍ സ്‌ഫോടക വസ്തു ശേഖരം പിടികൂടി
ചേരിക്കല്‍ സ്വാമിപ്പീടികടുത്തുള്ള ഹരീന്ദ്രന്റെ ഉടമസ്ഥതയിലുള്ള ക്വാറിക്ക് സമീപത്തെ ഒഴിഞ്ഞ പറമ്പില്‍ നിന്നാണ് സ്‌ഫോടകവസ്തുക്കള്‍ പിടികൂടിയത്
കണ്ണൂര്‍: പാനൂരിനടുത്ത് അനധികൃത ക്വാറികളില്‍ പോലിസ് നടത്തിയ മിന്നല്‍ പരിശോധനയില്‍ വന്‍ സ്‌ഫോടക വസ്തു ശേഖരം പിടികൂടി. കൊളവല്ലൂര്‍ സ്‌റ്റേഷന്‍ പരിധിയിലെ ചേരിക്കല്‍ സ്വാമിപ്പീടികടുത്തുള്ള ഹരീന്ദ്രന്റെ ഉടമസ്ഥതയിലുള്ള ക്വാറിക്ക് സമീപത്തെ ഒഴിഞ്ഞ പറമ്പില്‍ നിന്നാണ് സ്‌ഫോടകവസ്തുക്കള്‍ പിടികൂടിയത്. 292 ജലാറ്റിന്‍ സ്റ്റിക്, 160 ഇലക്ട്രിക്ക് ഡിറ്റൊണേറ്റര്‍, 390 സാധാരണ ഡിറ്റൊണേറ്റര്‍, 620 മീറ്റര്‍ ഇലക്ട്രിക്ക് കേബിള്‍, 70 മീറ്റര്‍ തിരി എന്നിവ ചാക്കിലാക്കി കുഴിച്ചിട്ട നിലയിലായിരുന്നു. കൊളവല്ലൂര്‍ എസ്‌ഐ ബി രാജഗോപാലും സംഘവുമാണു റെയ്ഡിനു നേതൃത്വം നല്‍കിയത്.