എംബിബിഎസ്: മോപ്-അപ് കൗണ്സലിങ് ഓപ്ഷനുകള്‍ ഇന്നുമുതല്‍ രജിസ്റ്റര്‍ ചെയ്യാം
മോപ്‌അപ് മാര്‍ഗനിര്‍ദേശമടങ്ങിയ വിശദമായ വിജ്ഞാപനം പിന്നീട് വെബ്സൈറ്റില്‍ പ്രസിദ്ധീകരിക്കും.
തിരുവനന്തപുരം: 2020–21ലെ എംബിബിഎസ് കോഴ്സിന്റെ രണ്ടാംഘട്ട അലോട്ട്മെന്റിനുശേഷം ഒഴിവുവരുന്ന സീറ്റുകളിലേക്ക് മോപ്-അപ് കൗണ്സലിങ് ഓണ്‍ലൈനായി നടത്താന്‍ അവസരം. വിദ്യാര്‍ഥികള്‍ക്ക് 12 മുതല്‍ 16നു രാവിലെ 10 വരെ ഓണ്‍ലൈനായി ഓപ്ഷന്‍ രജിസ്റ്റര്‍ ചെയ്യാം. അഖിലേന്ത്യാ കൗണ്‍സലിങ്ങിലൂടെ എംബിബിഎസ്, ബിഡിഎസ് കോഴ്സുകളില്‍ പ്രവേശനം നേടിയ വിദ്യാര്‍ഥികളെ ഓണ്‍ലൈന്‍ മോപ്-അപ് കൗണ്‍സലിങ്ങില്‍ പരിഗണിക്കില്ല. മോപ്‌അപ് മാര്‍ഗനിര്‍ദേശമടങ്ങിയ വിശദമായ വിജ്ഞാപനം പിന്നീട് വെബ്സൈറ്റില്‍ പ്രസിദ്ധീകരിക്കും. ഹെല്‍പ് ലൈന്‍ നമ്പര്‍: 0471- 2525300.