വാഹനങ്ങളില്‍ ലൈറ്റുകളുടെ നിയമവിരുദ്ധ ഉപയോഗം; കര്‍ശന പരിശോധനയുമായി മോട്ടോര്‍ വാഹന വകുപ്പ്
ഹെഡ്ലൈറ്റുകളില്‍ തീവ്ര പ്രകാശം പുറപ്പെടുവിക്കുന്ന ബള്‍ബ്, ലേസര്‍ ലൈറ്റുകളുടെ ഉപയോഗം, അലങ്കാര ലൈറ്റുകളുടെ അമിത ഉപയോഗം തുടങ്ങിയവ ഓപറേഷന്‍ ഫോക്കസിന്റെ ഭാഗമായി പരിശോധിക്കും.
കോഴിക്കോട്: വാഹനങ്ങളില്‍ ഉപയോഗിക്കുന്ന ലൈറ്റുകളുടെ നിയമവിരുദ്ധമായ ഉപയോഗം തടയാന്‍ കര്‍ശന നടപടിയുമായി മോട്ടോര്‍ വാഹന വകുപ്പ്. ഏപ്രില്‍ 4 മുതല്‍ 13 വരെയാണ് മോട്ടോര്‍ വാഹന വകുപ്പ് കര്‍ശന പരിശോധന നടത്തുക. ഓപറേഷന്‍ ഫോക്കസ് എന്ന പേരിലാണ് രാത്രികാല സ്പെഷ്യല്‍ ഡ്രൈവ് നടത്തുക.
ഹെഡ്ലൈറ്റുകളില്‍ തീവ്ര പ്രകാശം പുറപ്പെടുവിക്കുന്ന ബള്‍ബ്, ലേസര്‍ ലൈറ്റുകളുടെ ഉപയോഗം, അലങ്കാര ലൈറ്റുകളുടെ അമിത ഉപയോഗം തുടങ്ങിയവ ഓപറേഷന്‍ ഫോക്കസിന്റെ ഭാഗമായി പരിശോധിക്കും.
ഹെഡ്ലൈറ്റുകളില്‍ നിന്ന് വരുന്ന തീവ്ര പ്രകാശം മൂലം നിരവധി അപകടങ്ങള്‍ സംഭവിക്കുന്നതിന്റെ സാഹചര്യത്തില്‍ കൂടിയാണ് മോട്ടോര്‍ വാഹന വകുപ്പിന്റെ പരിശോധന.