ലോക്കപ്പിനകത്ത് തല്ലുന്നവരും കൊല്ലുന്നവരും സര്‍വീസിലുണ്ടാവില്ലെന്നു മുഖ്യമന്ത്രി
തിരുവനന്തപുരം: ലോക്കപ്പിനകത്ത് തല്ലലും കൊല്ലലും നടത്തുന്നവര്‍ സര്‍വീസിലുണ്ടാവില്ലെന്ന് പിണറായി വിജയന്‍. നെടുങ്കണ്ടം കസ്റ്റഡി മരണവുമായി ബന്ധപ്പെട്ട് നിയമസഭയിലാണ് മുഖ്യമന്ത്രി ഇക്കാര്യം വിശദീകരിച്ചത്. സംഭവത്തില്‍ വകുപ്പുതല അന്വേഷണം ഗൗരവതരമായി പുരോഗമിക്കുകയാണ്.
ജയിലിലെത്തുമ്പോള്‍ രാജ്കുമാറിന് പ്രയാസങ്ങളുണ്ടായിരുന്നു. ഭക്ഷണം കഴിക്കാന്‍ പോലും പരസഹായം വേണ്ടിയിരുന്നു. ഇങ്ങനെയുള്ള ആളെ എന്തുകൊണ്ട് ആശുപത്രിയില്‍ പ്രവേശിപ്പിച്ചില്ല എന്നത് അന്വേഷിക്കേണ്ടതുണ്ട്. കുറ്റക്കാരായ പോലിസിനെ സംരക്ഷിക്കില്ല. കസ്റ്റഡി മരണത്തില്‍ ഒരു വീഴചയും സര്‍ക്കാരിന്റെ ഭാഗത്ത് നിന്നും ഉണ്ടാവില്ലെന്നും മുഖ്യമന്ത്രി പറഞ്ഞു.