വിചാരണയ്ക്കിടയില്‍ ഒളിവില്‍പ്പോയ മോഷ്ടാവ് 13 വര്‍ഷത്തിനു ശേഷം പിടിയില്‍
തമിഴ്‌നാട് സ്വദേശി വില്‍സന്‍ (53) ആണ് പെരുമ്പാവൂര്‍ പോലിസിന്റെ പിടിയിലായത്. 2007 ല്‍ പെരുമ്പാവൂരിലെ മൊബൈല്‍ ഷോപ്പ് കുത്തിതുറന്ന് മൊബൈലും പണവും മോഷ്ടിക്കുകയായിരുന്നു ഇയാള്‍.തുടര്‍ന്ന് അറസ്റ്റിലായ ഇയാള്‍ കോടതിയില്‍ നിന്നും ജാമ്യം നേടി പുറത്തിറങ്ങിയ ശേഷം ഒളിവില്‍ പോകുകയായിരുന്നു
കൊച്ചി: വിചാരണക്കിടയില്‍ മുങ്ങിയ മോഷ്ടാവ് പതിമൂന്ന് വര്‍ഷത്തിനു ശേഷം പിടിയില്‍. തമിഴ്‌നാട് സ്വദേശി വില്‍സന്‍ (53) ആണ് പെരുമ്പാവൂര്‍ പോലിസിന്റെ പിടിയിലായത്. 2007 ല്‍ പെരുമ്പാവൂരിലെ മൊബൈല്‍ ഷോപ്പ് കുത്തിതുറന്ന് മൊബൈലും പണവും മോഷ്ടിക്കുകയായിരുന്നു ഇയാള്‍.തുടര്‍ന്ന് അറസ്റ്റിലായ ഇയാള്‍കോടതിയില്‍ നിന്നും ജാമ്യം നേടി പുറത്തിറങ്ങിയ ശേഷം ഒളിവില്‍ പോകുകയായിരുന്നു.
തുടര്‍ന്ന് ഇയാള്‍ക്കായി പോലിസ് അന്വേഷണം നടത്തി വരുന്നതിനിടയിലാണ് രഹസ്യവിവരത്തിന്റെ അടിസ്ഥാനത്തില്‍ അങ്കമാലിയില്‍ നിന്നും പിടികൂടിയത്. എസ്എച്ച്ഒ രാഹുല്‍ രവീന്ദ്രന്‍, എസ്‌ഐ എസ് ആര്‍ സനീഷ്, എസ്‌സിപിഒ പി എ ഷിബു, സി കെ ഷിബു, പി എന്‍ പ്രജിത് എന്നിവരാണ് അന്വേഷണ സംഘത്തിലുള്ളത്.