മലബാര്‍ സിമന്റ്‌സ് അഴിമതിയില്‍ അന്വേഷണം ശക്തമാക്കണം: മുഖ്യമന്ത്രിക്ക് വിഎസിന്റെ കത്ത്
അന്വേഷണം കാര്യക്ഷമമാക്കണമെന്നാവശ്യപ്പെട്ട് ശശീന്ദ്രന്റെ കുടുംബവും വിവിധ സംഘടനകളും വിജിലന്‍സ് ബ്യൂറോയ്ക്ക് മുമ്പില്‍ നടത്തുന്ന ധര്‍ണയുടെ പശ്ചാത്തലത്തിലാണ് കത്ത്.
തിരുവനന്തപുരം: മലബാര്‍ സിമന്റ്‌സിലെ അഴിമതിയും ദുരൂഹ മരണങ്ങളുമായി ബന്ധപ്പെട്ട അന്വേഷണവും പ്രോസിക്യൂഷനും ശക്തമാക്കണം എന്നാവശ്യപ്പെട്ട് ഭരണപരിഷ്‌കാര കമ്മീഷന്‍ അധ്യക്ഷന്‍ വി എസ് അച്യുതാനന്ദന്‍ മുഖ്യമന്ത്രിക്ക് കത്തുനല്‍കി. മലബാര്‍ സിമന്റ്‌സ് കമ്പനി സെക്രട്ടറി ശശീന്ദ്രന്റേയും കുടുംബത്തിന്റേയും ദുരൂഹ മരണത്തിന്റേയും കമ്പനിയിലെ അഴിമതിയുടെയും അന്വേഷണം കാര്യക്ഷമമാക്കണമെന്നാവശ്യപ്പെട്ട് ശശീന്ദ്രന്റെ കുടുംബവും വിവിധ സംഘടനകളും വിജിലന്‍സ് ബ്യൂറോയ്ക്ക് മുമ്പില്‍ നടത്തുന്ന ധര്‍ണയുടെ പശ്ചാത്തലത്തിലാണ് കത്ത്.