കൊവിഡ് ബാധിച്ച് ചികിത്സയിലായിരുന്ന കാഞ്ഞിരപ്പള്ളി സ്വദേശി ദമ്മാമില്‍ മരിച്ചു
വാഴൂര്‍ നടുക്കെ മുറിയില്‍ പരേതനായ ഇബ്രാഹിം റാവുത്തറുടെ മകന്‍ ഷാഹുല്‍ ഹമീദ് (58) ആണ് ഇന്നലെ വൈകീട്ട് അഞ്ചോടെ മരിച്ചത്.
ദമ്മാം: കൊവിഡ് ബാധിച്ച് ദമ്മാം സെന്‍ട്രല്‍ ഹോസ്പിറ്റലില്‍ ചികിത്സയിലായിരുന്ന കാഞ്ഞിരപ്പള്ളി സ്വദേശി മരിച്ചു. വാഴൂര്‍ നടുക്കെ മുറിയില്‍ പരേതനായ ഇബ്രാഹിം റാവുത്തറുടെ മകന്‍ ഷാഹുല്‍ ഹമീദ് (58) ആണ് ഇന്നലെ വൈകീട്ട് അഞ്ചോടെ മരിച്ചത്. കൊവിഡ് നെഗറ്റീവായിരുന്നെങ്കിലും ശ്വാസ കോശ സംബന്ധമായ ബുദ്ധിമുട്ടുകള്‍ ഉണ്ടായിരുന്നു. ദീര്‍ഘകാലം കുടുംബസമേതം ദമ്മാമില്‍ ഉണ്ടായിരുന്ന ഷാഹുല്‍ ഹമീദ് 25 വര്‍ഷമായി കൊദരിയയില്‍ ഫൈബര്‍ ഗ്ലാസ് ഫാക്ടറി നടത്തിവരികയായിരുന്നു. ഇന്ത്യ ഫ്രറ്റേണിറ്റി ഫോറം പ്രവര്‍ത്തകനായിരുന്ന ഷാഹുല്‍ ഹമീദ് ദമ്മാമിലെ മത സാംസ്‌കാരിക കൂട്ടായ്മകളിലെ സജീവ സാന്നിധ്യമായിരുന്നു. രണ്ടുവര്‍ഷം മുന്‍പാണ് അവസാനമായി നാട്ടില്‍ പോയിവന്നത്.
മാതാവ് റഹീമ. സഹോദരങ്ങള്‍: ദമ്മാമില്‍ ബിസിനസുകാരനായിരുന്ന നവാസ് (ജീപ്പാസ്), അബ്ദുല്‍ ഹൈ (ദമ്മാം), ആരിഫ, അന്‍സല്‍ന, ഹസീന. സൈനബയാണ് ഭാര്യ. മക്കള്‍:ഷെഫല്‍ ഷാഹുല്‍ (ദമ്മാം), ഷംസുദ്ദീന്‍, ഷൗക്കത്ത്. നടപടി ക്രമങ്ങള്‍ പൂര്‍ത്തിയാക്കി മയ്യിത്ത് നാളെ രാവിലെ എട്ടോടെ 91ല്‍ കബറടക്കുമെന്ന് ബന്ധുക്കള്‍ അറിയിച്ചു.