പത്തനംതിട്ട സ്വദേശി കുവൈത്തില്‍ കൊവിഡ് ബാധിച്ച് മരിച്ചു
വടശ്ശേരിക്കര തെക്കേക്കോലത്ത് മാത്യു തോമസ് (ഷമ്മി-52) ആണ് മരിച്ചത്.
കുവൈത്ത് സിറ്റി: പത്തനംതിട്ട സ്വദേശി കുവൈത്തില്‍ കൊവിഡ് ബാധിച്ചു മരിച്ചു. വടശ്ശേരിക്കര തെക്കേക്കോലത്ത് മാത്യു തോമസ് (ഷമ്മി-52) ആണ് മരിച്ചത്. കൊവിഡ് ബാധ മൂലം കുവൈത്തിലെ മിഷിരിഫ് ഫീല്‍ഡ് ഹോസ്പിറ്റലില്‍ ചികിത്സയിലിരിക്കെയാണ് മരണം. കുവൈത്തില്‍ ഹെയ്‌സ്‌കോ എഞ്ചിനീയറിംഗ് കമ്പനിയില്‍ ജീവനക്കാരനായിരുന്നു. ഭാര്യ: ജിഷ ജോണ്‍ (നേഴ്‌സ്, റോയല്‍ ഹയാത്ത് ഹോസ്പിറ്റല്‍). മക്കള്‍: ബ്രയന്‍, സിയ. മൃതദേഹം കൊവിഡ് പ്രോട്ടോകോള്‍ പ്രകാരം കുവൈത്തില്‍ സംസ്‌കരിച്ചു.