കുവൈത്തിലെ വ്യവസായ പ്രമുഖനും ജീവകാരുണ്യ പ്രവര്‍ത്തകനുമായ സല്‍മാന്‍ അബ്ദുല്ല അല്‍ ദബ്ബൂസ് അന്തരിച്ചു
ഫഹാഹീലിലെ ദബ്ബൂസ് കുടുംബത്തിലെ ഏറ്റവും മുതിര്‍ന്ന അംഗമായ ഇദ്ദേഹം പ്രദേശത്തെ നിരവധി കെട്ടിടങ്ങളുടെയും വാണിജ്യ സമുച്ചയങ്ങളുടെയും ഉടമയാണ്.
കുവൈത്ത് സിറ്റി: കുവൈത്തിലെ വ്യവസായ പ്രമുഖനും ജീവകാരുണ്യ പ്രവര്‍ത്തകനുമായ സല്‍മാന്‍ അബ്ദുല്ല അല്‍ ദബ്ബൂസ് അന്തരിച്ചു. ഫഹാഹീലിലെ ദബ്ബൂസ് കുടുംബത്തിലെ ഏറ്റവും മുതിര്‍ന്ന അംഗമായ ഇദ്ദേഹം പ്രദേശത്തെ നിരവധി കെട്ടിടങ്ങളുടെയും വാണിജ്യ സമുച്ചയങ്ങളുടെയും ഉടമയാണ്. ജീവ കാരുണ്യ പ്രവര്‍ത്തന രംഗത്തും ഏറെ സജീവമായിരുന്ന സല്‍മാന്‍ അല്‍ ദബ്ബൂസ് സ്വദേശത്തും വിദേശത്തുമായി നിരവധി വിദ്യാഭ്യാസ സ്ഥാപനങ്ങളും ആശുപത്രികളും പള്ളികളും നിര്‍മ്മിച്ചു നല്‍കിയിട്ടുണ്ട്. 1975ല്‍ കുവൈത്ത് മുന്‍സിപ്പല്‍ തിരഞ്ഞെടുപ്പിലൂടെ പൊതു രംഗത്തും സജീവ സാന്നിധ്യമായിരുന്നു. മലയാളികള്‍ അടക്കം അനേകം തൊഴിലാളികളാണ് ഇദ്ദേഹത്തിന്റെ സ്ഥാപനങ്ങളില്‍ ജോലി ചെയ്ത് വരുന്നത്.