ലോകകപ്പ്; നമീബിയക്ക് ലക്ഷ്യം 164 റണ്‍സ്; ജയം ഇന്ത്യക്ക് ആവശ്യം
കൂറ്റന്‍ റണ്‍സ് ലക്ഷ്യമിട്ട കിവികളെ നമീബിയ മികച്ച ബൗളിങിലൂടെ പിടിച്ചുകെട്ടുകയായിരുന്നു.
ദുബയ്: ട്വന്റി-20 ലോകകപ്പില്‍ ഇന്ത്യന്‍ സെമി പ്രതീക്ഷയ്ക്ക് ആവശ്യമായ നമീബിയുടെ ജയത്തിന് ലക്ഷ്യം 164 റണ്‍സ്. നമീബിയയുടെ എതിരാളികളായ ന്യൂസിലന്റ് നിശ്ചിത ഓവറില്‍ നാല് വിക്കറ്റ് നഷ്ടത്തില്‍ 163 റണ്‍സാണ് നേടിയത്. ഫിലിപ്പിസ് (39*), നീഷം (35*), വില്ല്യംസണ്‍ (28) എന്നിവരാണ് കിവികള്‍ക്കായി മികച്ച ബാറ്റിങ് കാഴ്ചവച്ചത്. കൂറ്റന്‍ റണ്‍സ് ലക്ഷ്യമിട്ട കിവികളെ നമീബിയ മികച്ച ബൗളിങിലൂടെ പിടിച്ചുകെട്ടുകയായിരുന്നു. നമീബിയക്ക് ഗ്രൂപ്പില്‍ ഒരു ജയമാണുള്ളത്. ഇന്ത്യയുടെ സെമി പ്രതീക്ഷയ്ക്ക് നമീബിയുടെ ജയം അനിവാര്യമാണ്.