അറബ് ക്ലബ്ബ് ചാംപ്യന്‍സ് കപ്പ് അല്‍ നസറിന്; ക്രിസ്റ്റിയാനോയ്ക്ക് ഗോള്‍ഡന്‍ ബൂട്ട്
ജെറാഡ് മുള്ളറെ പിന്തള്ളിയാണ് ക്രിസ്റ്റിയാനോ മിന്നും നേട്ടം സ്വന്തമാക്കിയത്.
റിയാദ്: അറബ് ക്ലബ്ബ് ചാംപ്യന്‍സ് കപ്പില്‍ അല്‍ നസറിന് കിരീടം. ഫൈനലില്‍ 2-1 നാണ് അല്‍ ഹിലാലിനെ തോല്‍പ്പിച്ചത്. ക്രിസ്റ്റിയാനോ റൊണാള്‍ഡോയുടെ മികവിലാണ് അല്‍ നസറിന്റെ ഈ ചരിത്രനേട്ടം. മത്സരത്തില്‍ ക്രിസ്റ്റിയാനോ ഇരട്ട ഗോള്‍ നേടി. എക്സ്ട്രാ ടൈമിലാണ് റൊണാള്‍ഡോ വിജയ ഗോള്‍ നേടിയത്.ക്രിസ്റ്റിയാനോയ്ക്കാണ് ടൂര്‍ണ്ണമെന്റിലെ ഗോള്‍ഡന്‍ ബൂട്ട്. ഈ നേട്ടം സ്വന്തമാക്കുന്ന ആദ്യ അല്‍ നസര്‍ താരമായി റൊണാള്‍ഡോ. ഈ മത്സരത്തില്‍ മറ്റൊരു റെക്കോര്‍ഡ് കൂടി ക്രിസ്റ്റിയാനോ റൊണാള്‍ഡോ സ്വന്തമാക്കിയിട്ടുണ്ട്. ഫുട്ബോള്‍ ചരിത്രത്തില്‍ ഏറ്റവും കൂടുല്‍ ഹെഡഡ് ഗോള്‍ സ്വന്തമാക്കുന്ന കളിക്കാരന്‍ എന്ന റെക്കോഡും താരം നേടി.ജെറാഡ് മുള്ളറെ പിന്തള്ളിയാണ് ക്രിസ്റ്റിയാനോ മിന്നും നേട്ടം സ്വന്തമാക്കിയത്.
