ബാഴ്‌സാ ഐക്കണ്‍ ജെറാഡ് പിക്വെ വിരമിക്കുന്നു
താന്‍ ക്യാംപ് നൗവിലാണ് ജനിച്ചതെന്നും ഇവിടെ തന്നെ മരിക്കുമെന്നും താരം വികാരധീനനായി പറഞ്ഞു.
ക്യാംപ് നൗ: ബാഴ്‌സയുടെ സീനിയര്‍ താരം ജെറാഡ് പിക്വെ വിരമിക്കുന്നു. 35കാരനായ പിക്വെ അടുത്താഴ്ച നടക്കുന്ന ഒസാസുനയ്‌ക്കെതിരായ മല്‍സരത്തോടെ ബാഴ്‌സയോട് വിടപറയും. നേരത്തെ സ്‌പെയിന്‍ ദേശീയ ടീമില്‍ നിന്നും വിരമിച്ച പിക്വെ നിലവില്‍ ബാഴ്‌സയുടെ ആദ്യ ഇലവനില്‍ സ്ഥാനം നേടിയിരുന്നില്ല. ഫോം നഷ്ടപ്പെട്ട പിക്വെ ഏറെ കാലത്തിന് ശേഷം ഇന്ന് അല്‍മേരിയക്കെതിരേ സബ്ബായി ക്യാംപ് നൗവില്‍ ഇറങ്ങി.അല്‍മേരിയക്കെതിരേ ബാഴ്‌സ രണ്ട് ഗോളിന്റെ ജയം നേടി. ഹോം ഗ്രൗണ്ടില്‍ താരത്തിന് ആരാധകരും സഹതാരങ്ങളും യാത്രയപ്പ് നല്‍കി. താന്‍ ക്യാംപ് നൗവിലാണ് ജനിച്ചതെന്നും ഇവിടെ തന്നെ മരിക്കുമെന്നും താരം വികാരധീനനായി പറഞ്ഞു.