ഷാക്കിറയും പിക്വെയും വേര്‍പിരിഞ്ഞു
ഇതേ തുടര്‍ന്നാണ് ഇരുവരുടെയും ബന്ധം വഷളായത്.
ക്യാംപ് നൗ;കൊളംബിയന്‍ ഗായിക ഷാക്കിറയും ബാഴ്‌സലോണ സൂപ്പര്‍ താരം ജെറാഡ് പിക്വെയും വേര്‍പിരിഞ്ഞു. വര്‍ഷങ്ങളായി ഇരുവരും ലിവിങ് ടുഗെതര്‍ റിലീഷേനില്‍ ആയിരുന്നു. ഇരുവര്‍ക്കും രണ്ട് ആണ്‍കുട്ടികളുണ്ട്. മക്കളുടെ ഭാവിക്കു വേണ്ടി പരസ്പര സമ്മതത്തോടെ വേര്‍പിരിയുന്നുവെന്ന് ഇരുവരും അറിയിച്ചു. 45കാരിയായ ഷാക്കിറ മൂന്ന് തവണ ഗ്രാമി അവാര്‍ഡ് നേടിയിട്ടുണ്ട്. ലാറ്റിന്‍ അമേരിക്കയിലെ ഒന്നാം നമ്പര്‍ ഗായികയായ ഷാക്കിറ വര്‍ഷങ്ങളായി പികെയ്‌ക്കൊപ്പം സ്‌പെയിനിലാണ് താമസം. സ്‌പെയിന്‍ താരമായ പിക്വെയ്ക്ക് ബാഴ്‌സലോണ ടീമിലും ഷെയര്‍ ഉണ്ട്. 35കാരനായ പിക്വ സ്‌പെയിനിന് വേണ്ടി ലോകകപ്പും യൂറോകപ്പും നേടിയിട്ടുണ്ട്. അടുത്തിടെ ഷാക്കിറയുടെ പേരില്‍ നികുതി വെട്ടിപ്പ് കേസ് പുറത്ത് വന്നിരുന്നു. ഇതില്‍ ഷാക്കിറ വിചാരണ നേരിടുകയാണ്. ഇതേ തുടര്‍ന്നാണ് ഇരുവരുടെയും ബന്ധം വഷളായത്.