എഫ് എ കപ്പ്; മാഞ്ചസ്റ്റര്‍ സിറ്റിയെ മറികടന്ന് ചെല്‍സി ഫൈനലില്‍
ഹക്കിം സിയാച്ച് ആണ് ചെല്‍സിയുടെ ഗോള്‍ നേടിയത്.
വെംബ്ലി: എഫ് കപ്പ് സെമിയില്‍ മാഞ്ചസ്റ്റര്‍ സിറ്റിയെ തോല്‍പ്പിച്ച് ചെല്‍സി ഫൈനലില്‍.എതിരില്ലാത്ത ഒരു ഗോളിനായിരുന്നു ചെല്‍സിയുടെ ജയം. വെര്‍ണറുടെ അസിസ്റ്റില്‍ നിന്ന് 55ാം മിനിറ്റില്‍ ഹക്കിം സിയാച്ച് ആണ് ചെല്‍സിയുടെ ഗോള്‍ നേടിയത്. നാളെ നടക്കുന്ന രണ്ടാം സെമിയില്‍ ലെസ്റ്ററും സതാംപ്ടണും ഏറ്റുമുട്ടും. ഈ മല്‍സരത്തിലെ വിജയിയാണ് ചെല്‍സിയുടെ എതിരാളി. എഫ് എ കപ്പ് ഉള്‍പ്പെടെ സീസണില്‍ മൂന്ന് കിരീടം നേടാമെന്ന സിറ്റിയുടെ മോഹത്തിനാണ് തിരിച്ചടിയായത്. നേരത്തെ പ്രീമിയര്‍ ലീഗ് കിരീടം സിറ്റി ഉറപ്പിച്ചതാണ്. ചാംപ്യന്‍സ് ലീഗ് സെമിയിലും സിറ്റി പ്രവേശിച്ചിട്ടുണ്ട്. കൂടാതെ ഈ മാസം 25ന് നടക്കുന്ന ലീഗ് കപ്പില്‍ സിറ്റി ടോട്ടന്‍ഹാമിനെ നേരിടും.