ലോകകപ്പ് യോഗ്യത; സ്‌പെയിനിന് തകര്‍പ്പന്‍ ജയം, ഗ്രീസ്മാനിലൂടെ ഫ്രാന്‍സ്
ടോറസിന്റെ ദേശീയ ടീമിനായുള്ള ഫോം ഈ മല്‍സരത്തിലും തുടര്‍ന്നു.
മാഡ്രിഡ്: ലോകകപ്പ് യോഗ്യതാ മല്‍സരത്തില്‍ സ്‌പെയിനിന് വന്‍ ജയം. കൊസൊവോയെ 3-1നാണ് സ്‌പെയിന്‍ തോല്‍പ്പിച്ചത്. ഒല്‍മോ, ഫെറാന്‍ ടോറസ്, മൊറീനോ എന്നിവരാണ് സ്‌പെയിനിനായി സ്‌കോര്‍ ചെയ്തത്. മാഞ്ചസ്റ്റര്‍ സിറ്റി താരം ടോറസിന്റെ ദേശീയ ടീമിനായുള്ള ഫോം ഈ മല്‍സരത്തിലും തുടര്‍ന്നു. ജയത്തോടെ സ്‌പെയിന്‍ ഗ്രൂപ്പ് ചാംപ്യന്‍മാരായി. ബോസ്‌നിയക്കെതിരേ ഒരു ഗോളിന് ജയിച്ച് ഫ്രാന്‍സ്. അന്റോണിയാ ഗ്രീസ്മാന്റെ ഗോളിലാണ് ഫ്രാന്‍സിന്റെ ജയം. മറ്റ് മല്‍സരങ്ങളില്‍, ഉക്രെയ്‌നെ കസാഖിസ്ഥാന്‍ 1-1സമനിലയില്‍ പിടിച്ചു. ഡെന്‍മാര്‍ക്ക് ഓസ്ട്രിയയെ എതിരില്ലാത്ത നാല് ഗോളിന് പരാജയപ്പെടുത്തി.