റോം: ക്രിസ്റ്റ്യാനോ റൊണാള്‍ഡോയിലൂടെ യുവന്റസ് ഇറ്റാലിയന്‍ ലീഗില്‍ തങ്ങളുടെ വിജയകുതിപ്പ് തുടരുന്നു. സസുവോളയെ 3-0ത്തിന് തോല്‍പ്പിച്ചതോടെ 27 ജയങ്ങള്‍ എന്ന അപരാജിത കുതിപ്പിലാണ് യുവന്റസ്. 2016ന് ശേഷം ആദ്യമായാണ് യുവന്റസിന് ഈ നേട്ടം സ്വന്തമാവുന്നത്. സസുവോളയ്‌ക്കെതിരേ ആദ്യ ഗോള്‍ 23ാം മിനിറ്റില്‍ ഖദീരയുടെ വകയായിരുന്നു. 70ാം മിനിറ്റിലാണ് ക്രിസ്റ്റ്യാനോ ഗോളടിച്ചത്. തുടര്‍ന്ന് 80ാം മിനിറ്റില്‍ എമിറേ ചാനാണ് മൂന്നാം ഗോള്‍ നേടിയത്. മറ്റൊരു മല്‍സരത്തില്‍ കലിയേരിയ മിലാന്‍ 3-0ത്തിന് തോല്‍പ്പിച്ചു. ലീഗില്‍ 63 പോയിന്റുമായി യുവന്റസ് ഒന്നാം സ്ഥാനത്ത് തുടരുമ്പോള്‍ നപ്പോളി രണ്ടാം സ്ഥാനത്തുണ്ട്. ഇന്ററും എസി മിലാനുമാണ് മൂന്നും നാലും സ്ഥാനത്ത്.