ഇറ്റാലിയന്‍ ഗോള്‍ കീപ്പര്‍ ഡൊണ്ണരുമ പിഎസ്ജിയിലേക്ക്
ആറ് സീസണുകളില്‍ താരം മിലാനൊപ്പമായിരുന്നു.
പാരിസ്: ഇറ്റലിയുടെ യൂറോ കപ്പിലെ നിര്‍ണ്ണായക സ്വാധീനമായ ഗോള്‍ കീപ്പര്‍ ജിയാന്‍ലൂജി ഡൊണ്ണരുമ്മ പിഎസ്ജിയുമായി കരാര്‍ ഒപ്പുവച്ചു. അഞ്ച് വര്‍ഷത്തേക്കാണ് എസി മിലാന്‍ താരമായ ഡൊണ്ണരുമ്മ കരാറിലേര്‍പ്പെട്ടത്. 22കാരനായ ഡൊണ്ണരുമയുടെ മികവിലാണ് ഇറ്റലി യൂറോ കപ്പ് നേടിയത്. ആറ് സീസണുകളില്‍ താരം മിലാനൊപ്പമായിരുന്നു. പുതിയ സീസണില്‍ പിഎസ്ജി വമ്പന്‍ സൈനിങുകളാണ് നടത്തിയത്. മുന്‍ റയല്‍ മാഡ്രിഡ് താരം സെര്‍ജിയോ റാമോസ്, മുന്‍ ലിവര്‍പൂള്‍ താരം ഹോളണ്ടിന്റെ ജോര്‍ജ്ജിനോ വിജനല്‍ഡാം എന്നിവരെയും പിഎസ്ജി സൈന്‍ ചെയ്തിരുന്നു.